សូមស្វាគមន៍ម្តងទៀតមកកាន់ Foodbuzz
បើមេឃក្ដៅម្លឹងៗ គួរញ៉ាំអ្វីបានត្រជាក់ចិត្ត ត្រជាក់ប្រាណ?
កំុទៅភ័យអីរឿងរកកន្លែងញ៉ាំនោះ ទុកចិត្តលើ Foodbuzz ចុះ ពួកយើងនឹងណែនាំកន្លែងខ្លះៗដែលបងប្អូនអាចរកបង្អែមត្រជាក់ៗ មានរសជាតិថ្មីៗដែលអ្នកមិនធ្លាប់ភ្លក់ពីមុនមក។
#1 ទឹកកកឈូសខ្មែរ
គិតដល់ទឹកកកឈូសនឹកឃើញកាលពីក្មេងៗដែលធ្លាប់ញ៉ាំជាមួយមិត្តភក្ដិនិងបងប្អូន មានតំណាប់ មានបង្អែម…នេះ! FoodBuzz ទើបតែរកឃើញកន្លែងថ្មីដែលស័ក្តិសមនឹងអ្នកបំផុត មានឈ្មោះថា Degelo ទឹកកកឈូសដូងខ្ចី 168។ គាត់មានលក់ទឹកកកឈូសបែបខ្មែរ មានគ្រឿងច្រើនមុខ លើសពីនេះគាត់មានទឹកស្ករត្នោតលាយជាមួយសាច់ដូងខ្ចីជាទឹកស្ករពិសេសដែលធ្វើឲ្យកន្លែងគាត់ល្បីជាងគេ។ ហ៊ានធានាថាញ៉ាំហើយវានឹងរំលឹកអ្នកពីកុមារភាពរបស់អ្នក ឬវាអាចជាបទពិសោធន៍ថ្មីចំពោះអ្នកដែលមិនធ្លាប់សាកល្បងពីមុនមក។
Degelo ទឹកកកឈូសដូងខ្ចី 168 ស្ថិតនៅម្ដុំសាលាបឋមសិក្សានរោត្តម។ ប្រសិនបើអ្នកមានអារម្មណ៍ថា កន្លែងនេះវាឆ្ងាយពេក អ្នកតែងតែអាចរកវាឃើញនៅកន្លែងដែលនៅក្បែរផ្ទះ ក៏ដូចជាតំបន់សាលារៀន ផ្សារក្នុងភូមិ និងចិញ្ចើមផ្លូវជាដើម។
- តម្លៃ : $
- ការកក់ទុក : មិនមាន
- ទីតាំង : ក្រោយសាលាបឋមសិក្សានរោត្តម Degelo ទឹកកកឈូសដូងខ្ចី168
- Tips:
- កន្លែងចតទូលាយ
- អជីវកម្មលក្ខណៈគ្រួសារ
- បរិភោគនៅហាង និង ខ្ចប់
ឥឡូវគិតថាចង់ភ្លក់អ្វីដែលលើសពីបង្អែមខ្មែរ។ តើបងបងប្អូនធ្លាប់ឮពី Bingsu ឬ យើងហៅថាបង្អែម ទឹកកកព្រិលដែរអត់? Bingsu ជាទឹកកកព្រិលដែលមានដើមកំណើតនៅប្រទេសកូរ៉េ។
#2 ទឹកកកព្រិលបែបកូរ៉េ
និយាយអំពី Bingsu ធ្វើឲ្យយើងនឹកឃើញដល់កន្លែងមួយចំនួនដែលមានលក់នូវទឹកកកព្រិលដែលមានមកជាមួយផ្លែឈើស្រស់ៗ មានជាតិ និង ឈ្ងុយឆ្ងាញ់បែបកូរ៉េៗទំនើប សូមឲ្រយើងណែនាំអ្នកអំពី៖
- ហាងបង្អែម Sulbing (Sulbing Dessert Cafe)
- តម្លៃ : $$
- ហាងនេះមាន៣សាខានៅក្នុងទីក្រុងភ្នំពេញ
- ហាងបង្អែម La Rosada (La Rosada Dessert Cafe)
- តម្លៃ : $$
- ហាងនេះមាន២សាខានៅក្នុងទីក្រុងភ្នំពេញ និង ផ្សារទំនើបមានជ័យ
#3 ការ៉េម
ប្រហែលជាទឹកកកព្រិលវាពេញនិយមចំពោះអ្នកពេកហើយ ទើបអ្នកចង់បានអ្វីដែលមិនលេចធ្លោ អ្នកចង់បានបង្អែមណាដែលមាន ជាតិគ្រីម និងទឹកដោះគោ ដែលមានរសជាតិច្រើនរាប់មិនអស់ ពេលខ្លះអាចមានរសជាតិចាប់ពីផ្អែមទៅហឹរឬទាំងអស់ក្នុងមួយស្លាបព្រាក៏ថាបាន។
ការ៉េមទាំងអស់ភាគច្រើនធ្វើមកពីទឹកដោះគោ គ្រីម ដាក់ផ្សំជាមួយនឹងរសជាតិសឹងតែគ្រប់មុខដូចជា ជាតិផ្អែម ផ្លែឈើ សណ្ដែក ជួនកាលសូម្បីតែគ្រឿងទេស។ មានរូបរាង និងទម្រង់ផ្សេងៗគ្នា FoodBuzz រីករាយនឹងណែនាំកន្លែងមួយចំនួនដែលអ្នកអាចទិញការ៉េមដ៏គួរឱ្យស្រឡាញ់និងជាប់ចិត្ត សម្រាប់បរិភោគ។ ពួកយើងមានកន្លែងមួយចំនួនសម្រាប់ណែនាំ៖ Kane Mochi Cambodia (ការ៉េមនំបែបប្រពៃណីជប៉ុន) La Pops Ice-Cream (ការ៉េមដើមរសជាតិផ្លែឈើ រសជាតិនំ) Swensen’s (ការ៉េមបែបសាន់ហ្វ្រាន់ស៊ីស្កូ) និង Häagen-Dazs (ការ៉េមបែបបារាំងដ៏ប្រណិត រសជាតិសម្បូរបែប)។
- ទីតាំង៖
- Kane Mochi Cambodia
- La Pops Ice-Cream
- La Pops Ice-Cream
- Local shop/market
- Häagen-Dazs
#4 ការ៉េម Gelato
ម្យ៉ាងវិញទៀត ប្រសិនបើអ្នកកំពុងស្វែងរកអ្វីដែលស្រដៀងគ្នានឹងការ៉េម ប៉ុន្តែល្អចំពោះសុខភាព ឬមិនសូវធ្វើឲ្យអ្នកឈឺ លោកអ្នកប្រហែលជាចាប់អារម្មណ៍នឹង ការ៉េម Gelato វាគឺជាការ៉េមបែបអ៊ីតាលី។ ការ៉េមប្រភេទនេះមានរសជាតិខ្លាំងជាង ក្រាស់ជាង ការ៉េមធម្មតា ហើយប្រើប្រាស់ស៊ុតតិចតួចណាស់ ជួនកាលសឹងតែមិនប្រើសោះ។ នេះហើយទើបយើងបានកត់សម្គាល់កន្លែងមួយចំនួនរួចជាស្រាច់សម្រាប់អ្នកចង់បរិភោគការ៉េម ដ៏សំបូរបែប និងអស្ចារ្យទាំងនោះដោយខ្លួនឯង។
- ប្រសិនបើអ្នកស្នាក់នៅជុំវិញ ឬ ម្ដុំទួលទំពូងអ្នកប្រហែលជាចង់ទៅសាកល្បងនៅ Pinocchio GELATO
- Gelatofix
#5 ការ៉េមយ៉ាអួ
ការ៉េមយ៉ាអួនេះគឺសំណព្វចិត្តគ្រប់គ្នាតែម្ដង ដោយសារមានជាតិធាត់ទាប និងមិនសូវផ្អែម។ មិនតែប៉ុណ្ណោះ ការ៉េមយ៉ាអួតែងតែមានបម្រើជូនជាមួយ គ្រឿងបន្ថែម (Topping) ជាច្រើនប្រភេទ មិនថាជាដុំសូកូឡាតូចៗ ចាហួយស្វិត ឡតឈិត ទំពាំងបាយជូរក្រៀម។ល។ កន្លែងដែលពេញនិយម ដែលប្រិយមិត្តអាចញ៉ាំបានគឺនៅ៖
- Yolé
- លោកអ្នកអាចជាវ Yolé ដោយខ្លួនឯងបាននៅ AEON Mall ភ្នំពេញ និង AEON សែនសុខ
ទោះបីជាមានការផ្ដល់យោបល់ច្រើនក៏ដោយក៏យើងសង្ឃឹមថាគន្លឹះនិងទីកន្លែងទាំងអស់នេះអាចជួយបំបាត់ភាពក្រៀមក្រំរបស់អ្នកចុះ។ ហើយក៏កុំបណ្តោយឱ្យអាកាសធាតុ និងមេឃដ៏ក្ដៅនេះបំផ្លាញថ្ងៃរបស់អ្នក ឬបញ្ឈប់អ្នកពីការធ្វើអ្វីដែលអ្នកស្រឡាញ់ឲ្យសោះ។
