គ្នាយើងមាននរណាគេមានកម្មវិធីពិសេសៗជាមួយមនុស្សជាទីស្រឡាញ់ដែលចង់ធ្វើក្នុងកន្លែងបែបប្រណីតៗអីអត់? បើមានត្រូវហើយ ព្រោះថ្ងៃនេះ ក្រុមការងារ FoodBuzz ចង់ណែនាំអំពីភោជនីយដ្ឋានមួយឈ្មោះថា Caprilicious ដែលមានទីតាំងនៅជាន់ទី 14 ឯណោះ! 

Caprilicious គឺជាភោជនីយដ្ឋានដ៏ថ្មីសន្លាងមួយនៅក្នុងសណ្ឋាគារលំដាប់ស្តង់ដា ឈ្មោះថា Capri by Fraser, Phnom Penh / Cambodia Hotel Residence ដែលទីតាំង​នៅក្នុងខណ្ឌដូនពេញ ចំកណ្តាលក្រុងតែម្តង! Capri by Fraser មិនមែនត្រឹមតែជាសណ្ឋាគារក្នុងការស្នាក់នៅធម្មតានោះទេ ប៉ុន្តែជាលំនៅដ្ឋានមួយដែលឆ្លុះបញ្ចាំងពីការបូកបញ្ចូលគោលគំនិតវប្បធម៌ខ្មែរសម័យបុរាណ លាយជាមួយនឹងសម័យទំនើប ទៅតាមការចនាក្បាច់ សណ្ឋាគារទាំងមូល ដូចជាបន្ទប់ និង ផ្ទាំងគំនូរខ្មែរ ដែលដាក់តាំងបង្ហាញ នៅបរិវេន The Den (Lobby) ដែលជាទីធ្លាពហុបំណងសម្រាប់មនុស្សគ្រប់វ័យ មិនថាកន្លែងអង្គុយធ្វើការ ជជែកគ្នាលេង និងមានអាហារសម្រន់​ព្រមទាំងកាហ្វេផងដែរ។។

នៅ Caprilicious មានបម្រើជាសេវាកម្មមុខម្ហូបពេញមួយថ្ងៃតែម្តង បែបម្ហូបជប៉ុន បែបខ្មែរ បស្ចឹមប្រទេស មុខម្ហូបពេញនិយមផ្សេងៗដែលមានភាពច្នៃប្រឌិត និង ប្រភេទភេសជ្ជៈ ស្រាក្រឡុកប្លែកៗ ដែលត្រៀមខ្លួនរួចជាស្រេចក្នុងការរៀបចំជូនភ្ញៀវ នៅ បារខាងលើសណ្ឋាគារ (Drinx @Caprilicious) ។

គ្រាន់តែដល់ Caprilicious ភ្លាមពួកយើងចាប់ផ្តើមកុម្ម៉ង់តែម្តង អត់គិតច្រើនទេ! ជាមួយនឹងម្ហូបបែបខ្មែរដែលជាទីពេញចិត្តរបស់អេដមីន បាយសាច់គោឡូកឡាក់ ​(Cambodia Beef Lok Lak) ញ៉ាំប៉ុន្មានដងក៏នៅតែចង់ញុាំដែរ។ មួយចាននេះមានរសជាតិដិតល្មម ចំពោះសាច់គោឆាមានក្លិនឈ្ងុយខ្លាំង គ្រាន់តែហិតក៏អាចដឹងរសជាតិបានដែរ ព្រោះថានៅលើសាច់គោឆា និងបាយ មានជាខ្ទឹមបំពងរោយពីលើ ដែលជួបបន្ថែមរសជាតិម្ហូបមួយចាននេះឲ្យកាន់តែប្លែកថែមមួយកម្រិតទៀត។

នៅទីនេះគ្រប់ម្ហូបទាំងអស់គឺត្រូវបានធ្វើឡើងដោយគិតគូរយ៉ាងម៉ត់ចត់ទៅលើសុខភាពអ្នកញុាំ មិនដែលចោលនោះទេបន្លែស្រស់ៗធម្មជាតិ ដូចបាយឡូកឡាក់នេះចឹងក្រុមការងារអេដមីនញុាំបន្លែអស់គ្មានសល់។

 

ចានទី 2 នេះក៏ពិសេសដែរ ទទួលបាននូវអារម្មណ៍ស្រលះល្អពេលដែលបានញុាំមួយម៉ាត់ចូលមាត់ ជាមួយម្ហូបបែបខ្មែរ ការីដូងតាកែវជាមួយបង្កយក្ស (Takeo Coconut King Prawn Curry)។ មួយមុខនេះជាប្រភេទអាហារសុខភាព ដែលរសជាតិធ្វើឡើងតម្រូវសម្រាប់ភ្ញៀវជាតិនិង អន្តរជាតិ ដោយមានរសជាតិល្មម មិនផ្អែមពេក  និងមិនធ្វើឲ្យយើងត្រលាន់ឡើយ​​ត្រូវម៉ាច់ជាមួយបាយអង្ករសម្រូបដែលបានដាក់ជូនក្នុងចានម្ហូបនេះ។ អេដមីនធានាថា មួយមុខនេះញុាំមួយម៉ាត់ហើយចង់ញុាំទៀតហ្មង ដោយសាច់បង្កងខាំរសជាតិជាប់ល្អជាមួយនឹង សសទឹកការី (Curry Sauce)។​ ញុាំតែបង្កងអត់ទាន់គ្រប់ទេ អុីចឹងទាល់តែបន្ថែមជាមួយដំឡូងដែលភ្ជាប់ជាមួយការីទៀត ។

មួយមុខទៀតនេះគឺប្រាកដជាត្រូវមាត់ប្រិយមិត្តដែលចូលចិត្ត ញាំសាច់គោបែបខ្មែរ ហើយ សាមញ្ញៗ តែមិនធម្មតាទេណា៎ ដោយមួយមុខនេះមានរសជាតិរាង ជូរ អែម ហើយសាច់គោញាំវិញគឺ ធ្វើឡើងឲ្យវាឆ្អិននិងមានរសជាតិហឹរតិចៗ អ្នកអត់សូវចេះហឹរក៏អាចញុាំបានដែរ។

កុម្ម៉ង់ម្ហូបខ្មែរអស់ 3 មុខអុីចឹងចានចុងក្រោយមានតែសាកម្ហូបបែបជប៉ុនម្តង ដែលពេញនិយម ក៏ដូចជាម្ហូបពិសេសប្រចាំសណ្ឋាគារផងដែរ។ Caprilicious Smoked Salmon Salad ត្រូវបានចំអិនដោយដៃផ្ទាល់ ពីចុងភៅដែលមានបទពិសោធន៍យូរឆ្នាំបម្រើម្ហូបអាហារនៅលើកាប៉ាល់! ងាយឯណាបានញុាំម្ហូបធ្វើដោយមេចុងភៅផ្ទាល់ អុីចឹងមានតែញុាំយកៗតែម្តង។

ញុាំតែម្ហូប បើអត់មានភេសជ្ជៈតិចតួចក៏អត់កើត ក្រុមការងារយើងក៏កុម្ម៉ង់បន្ថែមជាមួយនឹងភេសជ្ជៈប្រចាំហាង Aubergine Purple មួយកែវនេះរាងខ្លាំងបន្តិច ដាក់មួយម៉ាត់ចូលមាត់ឈ្ងុយជាប់ជាមួយនឹងក្លិន Cranberry ញុាំម្តងបន្តិចបានណា៎ ប្រយ័ត្នអស់ពីកែវអត់ដឹងខ្លួន….ហាហា។ គ្រឿងផ្សំពិសេសៗរបស់វាមានដូចជា Vodka, Malibu, Blue Curacao, និង Cranberry Juice។ 

មកដល់ Caprilicious ហើយបើអត់បានសាក Caprilicious Night ដូចជាមិនសូវសម។ គ្រឿងផ្សំនៃភេសជ្ជៈមួយកែវនេះមានដូចជា Dark Rum, Banana Liqueur, Orange Juice, និង​​ Pineapple Juice។

កំពុងតែស្វែងរកកន្លែងស្នាក់នៅដែលមានបម្រើសេវាកម្មម្ហូបអាហារបែបប្រណីត និងស្កាយបារ អាចគយគន់ទេសភាពបានក្នុងពេលតែមួយមែនទេ? ចាំជួបអេដមីននៅសណ្ឋាគារ Capri by Fraser, Phnom Penh / Cambodia Hotel Residence ទាំងអស់គ្នាណា៎!