ចុងសប្តាហ៍ហើយ! បើអត់ដឹងដើរទៅណា អាចសាកទៅលេង Camp Town ហាងកាហ្វេបើកថ្មីបាន នៅម្តុំតាខ្មៅយើងហ្នឹង!​ សម្រាប់អ្នកចូលចិត្តដើរព្រៃ ឬអ្នកចូលចិត្តថតរូបបែបញ៉ាំកាហ្វេលើភ្នំអីដឹងតែត្រូវចិត្តតែម្តង ព្រោះថាហាងនេះមានស្ទាយរបៀបគេទៅបោះតង់ក្នុងព្រៃអីចឹងហ្ហា៎! 

ទីធ្លាហាងមានទីធ្លាធំទូលាយ មានស្មៅខៀវខ្ចី មានកន្លែងអង្គុយក្រោមតង់ ហើយមានទេសភាពមើលទៅដូចនៅលើភ្នំអុីចឹង។ ពេលមេឃភ្លៀងធ្លាក់ បានក្រេបកាហ្វេមើលដំណក់ទឹកភ្លៀងតក់ៗ! Single ឬមានគូក៏នៅតែរ៉ូមេទិចដែរ។ បើអ្នកទាំងអស់គ្នាមិនចូលចិត្តអង្គុយបែប outdoor ទេ អាចអង្គុយនៅខាងក្នុងហាងក៏បានដែរណា៎។

Camp Town មានកាហ្វេ និងភេសជ្ជ:ច្រើនជម្រើសដែលក្នុងនោះមានដូចជា ទឹកសូដារសជាតិស្ត្របឺរី តែបៃតងទឹកកក ទឹកសូដាផ្លែប៉ែស តែក្រូចឆ្មាទឹកកក កាហ្វេទឹកដោះគោខាប់ ហើយសម្រាប់រដូវកាលបុណ្យណូអែលនេះដែរ ហាង Camp Town ក៏មានលក់នូវ strawberry matcha latte ដែលមាន ស្រ្តប៊ឺរី និងម្ស៉ៅតែបៃតង matcha នៅក្នុងកែវតែមួយផងដែរ។ 

ចំពោះម្ហូបវិញ ហាង Camp Town មានលក់បាយសាច់គោឡុកឡាក់ សាំងវិចត្រីធូណា ហើយក៏មាននំប័ុងផ្សេងៗទៀតដែរ។​ ពេលទំនេរអ្នកទាំងអស់គ្នាអាចនាំគ្រួសារ មិត្តភក្តិ ឬក៏សត្វចិញ្ចឹមមកលេងបាន។ នាំ Crush មកថតរូបក៏បានដែរណា៎!

ហាងកាហ្វេ Camp Town មានទីតាំងនៅផ្លូវ 148 ផ្ទះលេខ 338 ក្រុងតាខ្មៅ ខេត្តកណ្តាល ហើយបើកជារៀងរាល់ថ្ងៃពីម៉ោង 7 ព្រឹក ដល់ម៉ោង 6 ល្ងាច។