នំផ្កាយឬនំល្ង នំប៉ោង នំប៉ោងស្ករ​ និងនំចៀនជាច្រើនមុខទៀតសុទ្ធសឹងតែជានំដែលភាគច្រើនអ្នកទាំងអស់គ្នាធ្លាប់ញ៉ាំហើយមិនអាចភ្លេចជាមួយនឹងរសជាតិរបស់វាបាន ញ៉ាំហើយចង់ញ៉ាំទៀត។ ចុះឡូវបើចង់ញ៉ាំចឹងដឹងទិញនៅណាអត់? ម៉ោះទៅ តូបនំចៀន ទាំងអស់គ្នាណា៎ មាននំចៀនច្រើនប្រភេទសម្រាប់ជ្រើសរើសធានាជាមួយរសជាតិ និងតម្លៃ។

ត្បិតថានំចៀនមើលទៅសាមញ្ញតែរសជាតិវិញឆ្ងាញ់សាហាវម៉ង។ នំទាំងអស់ត្រូវបានធ្វើដោយម្ចាស់តូបផ្ទាល់ថ្មីៗជារៀងរាល់ថ្ងៃនិងបានដាក់ឲ្យស្រកប្រេងអស់ហើយបានយកមកតាំងលក់ធានាថាមិនជប់ប្រេងឡើយ។ នំមានរសជាតិឆ្ងាញ់និងស្នូលជាច្រើនសម្រាប់ជ្រើសរើសផងដែរ។ 

តូបនំចៀនមានលក់នំដូចជា នំផ្កាយឬនំល្ង​ នំប៉ោង នំសាយ៉រ នំចៀនស្នូលដូង​ ស្នូលត្រាវ ស្នូលប្រៃ និងស្នូលសណ្តែក ឆាខ្វៃក៏ដូចជានំប៉ាវចៀនផងដែរ។ ជាមួយរសជាតិវិញល្មមញ៉ាំតែម្តងពីព្រោះមានស្នូលជាច្រើនរសជាតិគឺពេលញ៉ាំហើយដឹងតែមានអារម្មណ៌សប្បាយចិត្តតែម្តងពីព្រោះជាចំណីចំណុកដែលពួកយើងចូលចិត្តតាំងពីតូចៗមកម្លេះ។ 

សំខាន់នោះគឺតម្លៃនៃនំនីមួយៗមានតម្លៃសមរម្យខ្លាំងមែនទែន​ និយាយរួមទៅនំមួយ​ 500៛ 1000៛​ និង 1500៛ តែប៉ុណ្ណោះ​តែនំវិញញ៉ាំតែបីបួនរួចបាយមួយពេលបាត់ហើយ។ ចឹងចង់ដឹងថារសជាតិឆ្ងាញ់ដល់កម្រិតណាកុំភ្លេចមកសាកទាំងអស់គ្នាណា៎!

សម្រាប់ព័ត៌មានបន្ថែមសូមចូលទៅកាន់ហ្វេសប៊ុកផេក តូបនំចៀន