ធ្លាប់តែទិញគេ ឥឡូវសាករៀនធ្វើខ្លួនឯងម្តងមើល! តោះមកដឹងពីរបៀបធ្វើសៀងផ្អែម!
សៀងផ្អែមគឺជាអាហារដែលអាចទុកបានយូរ អាចដាក់ក្នុងម្ហូបបានច្រើនមុខហើយមានរសជាត់ឆ្ងាញ់! នៅក្នុងរដូវកាលកូវីដអ៊ីចឹង បើមានសៀងផ្អែមនៅក្នុងទូរដឹងតែល្អតែម្តង! តោះមករៀនធ្វើសៀងផ្អែមទាំងអស់គ្នាធានាថាអត់ពិបាកទេ។
#គ្រឿងផ្សំ
- សណ្តែកសៀង ១៣០ ក្រាម
- ស្ករត្នោត ១៣០ ក្រាម
- ទឹកត្រី ៥០០ មីលីលីត្រ
- ស្រាអង្ករ ២ ស្លាបព្រាបាយ
- ប្រេងល្ង ១ ស្លាបព្រាបាយ
- ខ្ទឹមស ៤ ដុំ
#របៀបធ្វើ
១. ត្រាំសណ្តែកសៀងក្នុងទឹករយៈពេល ៤ ទៅ ៥ ម៉ោងឲ្យរីករួចទុកវាមួយឡែក។
២. ដាំទឹកឲ្យពុះក្នុងឆ្នាំងហើយស្រុះសណ្តែកសៀងដែលត្រាំរួចរយៈពេល ៩០ នាទីក្រោមកម្តៅទាប។
៣. កម្តៅខ្ទះមួយផ្សេងទៀតអោយក្តៅហើយដាក់ប្រេងល្ងនិងខ្ទឹមសចូលរួចរំលីងទាល់តែខ្ទឹមឈ្ងុយ។
៤. ដាក់ស្ករត្នោតចូលហើយបន្តកូររហូតទាល់តែស្ករប្រែពណ៍រយៈពេល ២ នាទីរួចបិទភ្លើងចង្ក្រាន។
៥. ដាក់ទឹកត្រីចូលបន្តិចម្តងៗ ហើយកូររហូតទាល់តែស្ករនិងទឹកត្រីរលាយចូលគ្នាសព្វល្អ។
៦. ស្រង់សណ្តែកស្រុះឆ្អិនដាក់ចូលក្នុងល្បាយស្ករនិងទឹកត្រីកូរឲ្យសព្វរួចដាក់ស្រាអង្ករចូល។
៧. ចាក់ចូលក្នុងកំប៉ុងមួយទុកវានៅកន្លែងត្រជាក់ល្មមរយៈពេល ៣ ឬ ៤ ថ្ងៃជាការស្រេច។
ប្រភពៈ Cooking and Travel with Bong General
**ដោនឡូតកម្មវិធីទូរសព្ទរបស់ FoodBuzz ឥឡូវនេះ ដើម្បីទទួលបានព័ត៌មានថ្មីៗ អំពីអាហារឆ្ងាញ់ៗ និងកន្លែងញ៉ាំជាច្រើន ដ៏សម្បូរបែប៖ http://onelink.to/foodbuzz