តោះ! រៀនធ្វើ កំពឹសចៀន ឲ្យស្រួយឆ្ងាញ់
ខានញ៉ាំកំពឹសចៀនយូរហើយមែនអត់? ភាគច្រើនឧស្សាហ៍ញ៉ាំណាស់ពេលនៅរៀន។ បើចង់ញ៉ាំ មិនបាច់ចេញក្រៅទេ រៀនធ្វើញ៉ាំខ្លួនឯងនៅផ្ទះម៉ងទៅ។ តោះមកសាកធ្វើកំពឹសចៀន ស្រួយៗ ទុកញ៉ាំកំដរមាត់ ទាំងអស់គ្នា។
#គ្រឿងផ្សំម្សៅកំពឹស៖
- កំពឹស ២០០ ក្រាម
- ម្សៅអង្ករ ១០០ ក្រាម
- ម្សៅសូដា ½ ស្លាបព្រាកាហ្វេ
- អំបិល ½ សា្លបព្រាកាហ្វេ
- ទឹក ១៥០ មីលីលីត្រ
- ពងមាន់ ១គ្រាប់
#គ្រឿងផ្សំសំរាប់អំបិលជ្រលក់៖
- អំបិល ១ ស្លាបព្រាកាហ្វេ
- ស្ករស ½ស្លាបព្រាកាហ្វេ
- ម្រេច ១ ស្លាបព្រាកាហ្វេ
- ក្រូចឆ្មា ១ផ្លែ
#របៀបធ្វើ៖
- លាយអំបិល ស្ករស ម្រេចឲ្យសព្វសម្រាប់ទុកជ្រលក់ ដាក់ក្នុងកូនចានមួយ។
- យកចានធំមួយ លាយម្សៅអង្ករ ម្សៅសូដា អំបិល ហើយកូរឲ្យសព្វ។
- គោះពងមាន់មួយគ្រាប់ហើយវៃឲ្យសព្វ រួចលាយជាមួយនឹងល្បាយម្សៅនោះ។
- ចាក់ទឹកចូលបន្តិចម្ដងៗ ស្របពេលកំពុងកូរម្សៅរហូតដល់អស់ទឹកនិងម្សៅចាប់ផ្តើមរាវខាប់តិចៗ។
- ដាក់កំពឹសចូលក្នុងទឹកម្សៅនោះ រួចកូរឲ្យសព្វ។
- នៅលើចង្ក្រានដែលមានកម្តៅក្តៅល្មម ចាក់ប្រេងឆាចូលក្នុងខ្ទះចាំឲ្យប្រេងក្តៅ
- ហើយដាក់ម្សៅកំពឹសមួយស្លាបព្រាបាយ ចៀនក្នុងខ្ទះ។
- ចៀនរយៈពេល ៣០ វិនាទី រួចត្រលាប់ចៀនផ្នែកម្ខាងទៀតរយៈពេល ៣០ វិនាទីទៀតរហូតទាល់តែឡើងពណ៌ក្រហមឆ្អិន។
- ពេលឆ្អិនរោយអំបិលម្រេចនិងច្របាច់ក្រូចឆ្មាពីលើជាការស្រេច។
ប្រភព៖ Khmer Fusion Food
**ដោនឡូតកម្មវិធីទូរសព្ទរបស់ FoodBuzz ឥឡូវនេះ ដើម្បីទទួលបានព័ត៌មានថ្មីៗ អំពីអាហារឆ្ងាញ់ៗ និងកន្លែងញ៉ាំជាច្រើន ដ៏សម្បូរបែប៖ http://onelink.to/foodbuzz