Cafista Coffee
- Wat Bo Road, Siem Reap, Cambodia
- 096 812 1194
គ្រាន់តែឈានជំហានដំបូងចូលក្នុងហាង មានអារម្មណ៍ថាប្តូរ vibe តែម្តង លក្ខណៈថា ក្រឡេកទៅខាងណា ក៏ឃើញតែប្លង់ថតរូបស្អាតៗ ហើយរបស់តុបតែងក៏ខ្យូតៗទៀត!
សូម្បី Menu ក៏ស្អាត ហើយមានរូបធំៗទៀត ងាយស្រួលមើលមែនទែន! នៅ Cafista Coffee ភេសជ្ជៈភាគច្រើនត្រូវបានច្នៃបង្កើតថ្មីជារសជាតិប្រចាំហាងតែម្តង តែបើពិបាកចិត្តមិនដឹងគួរសាកមួយណា បុគ្គលិកដ៏រួសរាយនឹងធ្វើការណែនាំអ្នកទៅតាមចំណូលចិត្តរបស់អ្នក។
ឈ្មោះភេសជ្ជៈក៏ប្លែកៗដែរ BlackPink អីចឹង! វាមានកាហ្វេខ្មៅ ១shot តែមិនសូវខ្លាំងទេ អមដោយរសជាតិគូលេន ពេលញ៉ាំ១ក្អឹកៗ មានទាំងក្លិនឈ្ងុយ និងរសផ្អែមស្រទន់ស្រាល។
ឯអ្នកចូលចិត្តកាកាវ គួរតែសាក CoCo2 (កូកូការ៉េ) មានរសល្វីងឆ្ងាញ់ពីកាកាវ១០០% និងក្លិនក្រអូបនៃទឹកដូងស្រស់ អមដោយរសជាតិផ្អែមតិចៗនៃ Whipped Cream ពីលើ។
Strawberry Cha Cha ប្រាកដជាត្រូវចិត្តអ្នកនិយមរសជាតិផ្អែមស្រាល និងក្លិនឈ្ងុយនៃ Matcha អមដោយស្ត្រប៊ែរី។ តែអ្នកចូលចិត្តរសជាតិរាងដិត និងជូរៗ គួរតែសាក Frizzy Lemonade ដែលមានប្រើដំណាប់ក្រូចធ្វើផ្ទាល់ដោយហាងតែម្តង។
ឯអ្នកស្នេហាកាហ្វេ មិនគួររំលង Dirty Coffee ឡើយ បើអ្នកញ៉ាំផ្ទាល់នៅក្នុងហាង។ ពិសេសណាស់! គេដាក់វាក្នុងកែវក្លាសេត្រជាក់ ហើយមានដុំទឹកកកមួយដុំអណ្តែតឡើងប្លែក! ញ៉ាំដំបូង រាងក្តៅ បន្ទាប់មកនឹងប៉ះត្រជាក់ ពេលញ៉ាំដល់ទឹកដោះគោ។
ចុះបើចូលចិត្តកាហ្វេ តែអត់ចង់ញ៉ាំជាមួយទឹកដោះគោ? សាក Fruity Coffee ដឹងតែត្រូវចិត្តហ្មង! មានទឹកម្នាស់ និងទឹកក្រូចដាក់រួមគ្នាបង្កើតបានជារសជាតិពិសេសម្យ៉ាង!
តិចលោឮឈ្មោះឡូយៗអញ្ចឹង គិតថាថ្លៃអីទៅ! តម្លៃសមរម្យណាស់ សម្រាប់ភេសជ្ជៈ តម្លៃ គឺចន្លោះ 1.80$-2.50$ ឯនំដុតវិញចាប់ពី1$ឡើងទៅតែប៉ុណ្ណោះ។ ក្រៅពីប្រភេទនំប៉័ង ក៏មាន Cheesecake ដ៏សែនឆ្ងាញ់ផងដែរ! មិនថាភេសជ្ជៈ ឬនំទេ នៅ Cafista Coffee នេះ សុទ្ធតែមានរសជាតិច្នៃប្រឌិតដោយហាង បង្កើតចេញជារសជាតិប្រចាំហាងផ្ទាល់។
មិនជឿអាចមកសាកនៅហាងផ្ទាល់ ឬកុម្ម៉ង់តាម foodpanda បាន! ហើយកុំភ្លេចតាមដានលើហ្វេសប៊ុកផេក Cafista Coffee សម្រាប់ការ update ថ្មីៗ ព្រោះលឺថានឹងមានអ្វីថ្មីបន្តបន្តាប់ទៀត។
By proceeding, you agree to our Terms of Use and confirm you have read our Privacy Policy.