កំពុងស្វែងរកហាងកាហ្វេដែលមានបរិយាកាសស្ងប់ស្ងាត់សម្រាប់អង្គុយសិក្សា ឬធ្វើការមែន? ម៉ោះ! មកស្គាល់ហាងកាហ្វេ​ CAFÉ 101 ដែលត្រូវម៉ាច់សម្រាប់អ្នកចូលចិត្តស្ងៀមស្ងាត់។ 

CAFÉ 101 មានទីតាំងនៅជាន់ទីមួយនៃអគារមួយនៅម្ដុំផ្សារដេប៉ូ មានបរិយាកាសស្ងប់ស្ងាត់ និងមានពន្លឺជះចាំងចូលមក ទាំងពន្លឺធម្មជាតិ​ ទាំងពន្លឺអំពូលដែលអាចធ្វើឲ្យអារម្មណ៍ស្រឡះ មានអារម្មណ៍ចង់សិក្សា ឬធ្វើការផ្សេងៗ។ 

CAFÉ 101 មានបម្រើភេសជ្ជៈជាច្រើន ទាំងកាហ្វេ ទាំងភេសជ្ជៈបែបតែផ្សេងៗទៀត ជាមួយនឹងម្ហូប និងអាហារសម្រន់ជាច្រើនមុខទៀតសម្រាប់ញ៉ាំជាមួយគ្នា។ ក្រុម FoodBuzz យើងឃើញថាតែបៃតងនៅទីនេះមានរសជាតិឆ្ងាញ់ តែបើសិនជាវាមានរសជាតិដិត និងឈ្ងុយ Matcha ជាងនេះគឺកាន់តែឆ្ងាញ់។ 

ក្រុមពួកយើងក៏បានញ៉ាំអាហារខ្លះៗដែរ អាហារនៅទីនេះមានរសជាតិឆ្ងាញ់បែបជាទូទៅ។​ រីឯសេវាកម្មវិញគឺល្អ បុគ្គលិកមានភាពរួសរាយរាក់ទាក់ និងយកចិត្តទុកដាក់។ 

CAFÉ 101 ជាហាងកាហ្វេដែលសាកសមបំផុតសម្រាប់ការអង្គុយសិក្សា និងធ្វើការងារផ្សេងៗ ឬអង្គុយលេងញ៉ាំកាហ្វេកំដរអារម្មណ៍ជាមួយការថតរូបស្អាតៗ ពន្លឺគ្រប់គ្រាន់តែម្ដង។ 

• Rating ៖ អាហារ និងភេសជ្ជៈ៖ ៨/១០ និងបរិយាកាស៖ ៨/១០
• ផែនទី៖ https://g.page/cafe101kh?share
• សម្រាប់ព័ត៌មានបន្ថែម ចូលទៅកាន់ផេកហ្វេសប៊ុកដោយចុច CAFÉ 101