សម្រាប់អ្នកចូលចិត្ត សាច់ស្ងោរ ប្រហិតស្ងោរ ថ្ងៃនេះ FoodBuzz ចង់ណែនាំកន្លែងលក់មួយកន្លែងនៅផ្សារធំថ្មី។ តូបរបស់គាត់បានបើកលក់ជាង​ 35 ឆ្នាំមកហើយតូបគាត់មានឈ្មោះថាសាច់ស្ងោរផ្សារថ្មីដែលមានតូបលេខ​ 188 និង 189 នៅខាងកើតផ្សារម្តុំកន្លែងលក់ខោអាវ។​ តូបរបស់គាត់មិនមែនមានលក់តែសាច់ស្ងោរទេ!​ មានទាំងនំបញ្ចុកសម្លរការី នំបញ្ចុកសម្លរខ្មែរ​ ក៏ដូចជាបង្អែមជាច្រើនមុខទៀតផង។ 

អ្វីដែលធ្វើឲ្យសាច់ស្ងោររបស់តូបមួយនេះលក់កាន់តែដាច់ទៅៗហើយមានអតិថិជនជាបន្តបន្ទាប់នោះគឺដោយសារតែរសជាតិទឹកសៀងនិងជ្រក់របស់គាត់មានរសជាតិឈ្ងុយឆ្ងាញ់ទោះបីជាញ៉ាំច្រើនក៏មិនទ្រលាន់ហើយត្រូវមាត់តែម្តង បើសិនជាចូលចិត្តញ៉ាំហឹរដាក់ម្ទិះតិចៗទៀតរឹតតែឆ្ងាញ់។

បើនិយាយពីសាច់ចង្កាក់វិញគឺមានច្រើនមុខសម្រាប់ជ្រើសរើសទៀតផងមានទាំង ត្រចៀកជ្រូក ពោះវៀនតាន់​ សួត លំពែង ប្រហិតនិងសាច់ជាច្រើនមុខទៀត ផុយឆ្ងាញ់តែម្តង រីឯតម្លៃវិញរឹតតែពិសេសទៀតតម្លៃនៃសាច់គ្រប់ចង្កាក់ត្រឹមតែ​ 2000៛ តែប៉ុណ្ណោះក្នុងមួយចង្កាក់។

មិនត្រឹមតែប៉ុណ្ណោះជាមួយរសជាតិនៃសម្លរនំបញ្ចុកវិញក៏ឆ្ងាញ់មិនណយប៉ុន្មានដែរ សាច់មាន់ និងឈាមមាន់ទាំងដុំៗតែម្តងជាតិខ្លាំងមែនទែន។

សំខាន់បានញ៉ាំឆ្អែតហើយមានបង្អែមលាងមាត់ទៀតណា។​ បង្អែមឆ្ងាញ់ៗមិនផ្អែមពេកជាមួយខ្ទិះដូងថ្មីៗ។ អ្វីដែលរឹតតែសំខាន់ទៀតនោះគឺមានអនាម័យទោះបីជាទីធ្លាមិនធំដូចហាងធំៗតែរសជាតិមួយមុខណាក៏ញ៉ាំជក់មាត់ដែរ។

សម្រាប់ពត៌មានបន្ថែម សាច់ចង្កាក់ស្ងោរ ផ្សារធំថ្មី