ដូចសព្វដងដែរ ថ្ងៃនេះ FoodBuzz នឹងណែនាំអ្នកទាំងអស់គ្នាទៅកាន់ហាងកាហ្វេមួយកន្លែងទៀតដែលមានទីតាំងធំទូលាយ ជាមួយរសជាតិភេសជ្ជៈពិសេសៗ មានក្លិនឈ្ងុយ ខ្លះផ្អែម ខ្លះជូរ ទៅតាមចំណង់ចំណូលចិត្ត។ 

នៅ Blue Espresso Bar ក៏មានជាម្ហូបញ៉ាំ និងអាហារសម្រន់ផ្សេងៗជាច្រើនមុខទៀតផង។ ទីនេះមានការតុបតែងនិង ដេគ័រហាងដ៏ស្រស់ស្អាត ស្រឡះភ្នែក និងការថែមជាមួយរុក្ខជាតិបៃតងខ្ចីដេគ័រផងដែរ។ ជាន់លើ និងជាន់ក្រោមធានាថាស្ងប់ស្ងាត់ងាយស្រួលក្នុងការសិក្សា​ និង​ពិភាក្សាការងារ។ 

អ្នកដែលចូលចិត្តផ្អែមបែបកាហ្វេ 4 ​មុខនេះគឺពិសេសសម្រាប់អ្នកតែម្តង។ Hot Nutella Latte ផ្អែមមុតបែប Nutella ចំណែកឯ Vienna Coffee​ ផ្អែមល្មមដែលមានលាយជាមួយរសជាតិកាហ្វេ។ Matcha Espresso Latte រសជាតិផ្អែម និងល្វីងបន្តិចចេញពីកាហ្វេ និងតែម៉ាតឆា។ អ្វីដែលអ្នកដែលចូលចិត្តភេសជ្ជៈដែលមានជាតិផ្អែម គឺមិនគួររំលងជាមួយ​ Thai Tea with sweet cream។ 

ចង់ញ៉ាំភេជ្ជៈបែបសូដា ក៏អាចកុម៉្មង់ជាមួយ ផាសិនសូដា ដែលមានរសជាតិជូរៗស្រឡះបំពង់ករ។ Peach Soda ប្លែកហើយឈ្ងុយផ្លែ Peach រសជាតិបែបជូរអែមៗ ឆ្ងាញ់ ចំណែកឯទឹកឳឡឹកវិញ ញ៉ាំហើយស្រស់ស្រាយជាមួយរសជាតិផ្លែឈើស្រស់ៗ។ បើនិយាយពីម្ហូបវិញ អាចសាកជាមួយ French-Fried ស្រួយៗញ៉ាំជក់មាត់។ ចំណែកឯ ស្ពែហ្គេតទីវិញ រសជាតិរៀងផ្អែមបន្តិច និងក្លិនឈ្ងុយជាមួយទឹកសស​ផងដែរ។ តស់! មកសាកទាំងអស់គ្នា។