ខែធ្នូទើបនឹងចាប់ផ្ដើមសោះ សល់តែប៉ុន្មានថ្ងៃទៀតដល់ថ្ងៃបុណ្យណូអែលបាត់! តាមបណ្ដាហាង និងភោជនីយដ្ឋាននានាបានរៀបចំការតុបតែងបែបគ្រីសម៉ាសរួចជាស្រេច ហើយចំអាកាសធាតុធ្លាក់ត្រជាក់អ៊ីចេះទៀត ត្រូវម៉ាច់សម្រាប់ការប្រារព្ធបុណ្យណូអែលឆ្នាំនេះតែម្ដង។

ដើម្បីធ្វើឲ្យបុណ្យណូអែលកាន់តែរីករាយ ហាងនំដូហ្វណាត់ Big Apple Donuts and Coffee ដែលជាប្រេនដូហ្វណាត់ដ៏ល្បីពីប្រទេសម៉ាឡេស៊ី ហើយក៏ជាហាងដូហ្វណាត់មួយឈានមុខគេនៅក្នុងប្រទេសកម្ពុជាដែលមានបម្រើនំដូហ្វណាត់មានគុណភាពខ្ពស់ផងដែរនោះ បាននាំនូវដូហ្វណាត់រសជាតិថ្មីដល់ទៅ 4 សម្រាប់លោកអ្នកក្នុងខែធ្នូនេះ។ ប្រេននំដូហ្វណាត់នេះ នាំចូលមកប្រទេសកម្ពុជាដោយ Star Food Enterprise កាលពីឆ្នាំ 2015 ហើយត្រូវបានគេទទួលស្គាល់ជាហាងដូហ្វណាត់មានឱជារស សាច់នំទន់ និងតែងតែមានរសជាតិថ្មីៗជាប្រចាំ។

នំរសជាតិថ្មីនីមួយៗស្រោបទៅដោយសូកូឡាស សូកូឡាខ្មៅ ស្រ្ដប៊ឺរីគ្រីម វ៉ានីឡាគ្រីម និងខារ៉ាមែល ហើយរសជាតិថ្មីនេះនឹងធ្វើឲ្យអ្នកកាន់តែរីករាយជាមួយនឹងបុណ្យណូអែលនេះ។ នំរសជាតិថ្មីនេះមានឈ្មោះជា Dazzling Star, Donutful, Little Ru និង Frosty Coco ហើយនំនីមួយៗសុទ្ធតែមានពណ៌សដូចព្រិល និងថែមទាំងមានការលម្អជារូបក្ដាន់ រូបបូ និងរូបដំណាងគ្រីស្ដម៉ាសនានា ដែលមានលក្ខណៈស្រស់ស្អាតសឹងតែមិនហ៊ានញ៉ាំ។

FoodBuzz ពេញចិត្តនឹងនំ Frosty Coco ជាងគេដោយសារពីលើមានស្រោបទៅដោយសូកូឡាស និងកម្ទេចដូង និងដូងរសជាតិស្លឹកតយរួយពីលើជាមួយនឹងដំណក់ដំណាប់ឈើរីកាន់តែធ្វើឲ្យរសជាតិកាន់តែឆ្ងាញ់ពិសេស និងស្រស់ស្អាតសឹងតែមិនហ៊ានញ៉ាំ។ រសជាតិសូកូឡាសជាមួយនឹងកម្ទេចដូងជ្រុបៗក្នុងមាត់ ពិតជាមានឱជារស ថែមក្លិនស្លឹកតយ និងដំណាប់ឈើរីទៀត ដឹងតែជក់មាត់មិនខាន។

រសជាតិថ្មីទាំង 4 នេះ និងរសជាតិប្រចាំហាងទាំង 36 មានលក់នៅគ្រប់សាខាទាំងអស់របស់ Big Apple៖ ទួលគោក, ម៉ៅសេទុង, កម្ពុជាក្រោម, បឹងត្របែក, Eden Garden, ឈូកមាស និងផ្សារទំនើបអូឡាំព្យា។

ទីតាំង៖ គ្រប់សាខាទាំងអស់របស់ Big Apple

តម្លៃ៖ ចាប់ពី $2

លេខទំនាក់ទំនង៖ 023 211 118

ម៉ោងបើក៖ 8AM – 9PM

ព័ត៌មានបន្ថែម៖

• Facebook
• Website