និយាយពីអាហារពេលព្រឹក គឺច្រើនសំបូរបែបមែនទែនដូចជាគុយទាវ មី បាយ បបរ និងបាញ់ស៊ុងផងដែរ ប៉ុន្តែប្រហែលជាធ្លាប់ញុំាកន្លែងខុសៗគ្នា តែឥលូវ Foodbuzz ប្រាប់កន្លែងដែរល្បី និង ឆ្ងាញ់ធានាត្រូវមាត់អ្នកទាំងអស់គ្នាមិនខាន។

បាញ់ស៊ុងនៅអូឡាំពិចនេះគឺដំណើរការជាយូរណាស់មកហើយ ក៏ប៉ុន្តែរសជាតិ និង តម្លៃមិនឡើងថ្លៃនោះទេ មិនតែប៉ណ្ណោះចំនុចពិសេស គឺ បាញ់ស៊ុងរបស់គាត់គឺថ្មីៗ និង លាបប្រេងស្លឹកខ្ទឹមលាយចូលគា្នបានល្អ ហើយមួយចានៗ ញុំាសឹងតែមិនអស់ ដោយសារតែ មានសាច់គ្រប់មុខ តែម្តង ដូចជា ប៉ាតេ សាច់ជ្រូកឆា ចៃយ៉រ បន្លែ បើទៅកន្លែងផ្សេង ប្រហែលជារើសបានតែ 2 មុខទេ និងជាពិសេសគឺទឹកត្រីនិងទឹកខ្ទិះដូងដែលធ្វើអោយបាញ់ស៊ុងមួយចាននេះកាន់តែឈ្ងុញនិងគួរអោយចង់ញុំា។ បន្ថែមពីលើនេះ បើបានកាហ្វេត្រជាក់ៗ ឬ តែក្រូចឆ្មាមួយកែវអែមម៉ង! ;)

ទីតាំង: ផ្លូវ 310 កែងផ្លូវ199 (ទល់មុខ Virak Bunthan Station ផ្សារអូឡាំពិច)

តំលៃ: 5000រៀល, កាហ្វេ 4000រៀល

ម៉ោង: 6ព្រឹក - 12 ថ្ងៃ