នំប៉័ងអាំង ​និងបាញ់ត្រាំងអាំងជាចំណីអាហារដែលពេញនិយមមែនទែននាពេលបច្ចុប្បន្នសឹងតែទៅទីណាក៏មានដែរ។ ​តែថ្ងៃនេះ FoodBuzz សុំណែនាំមួយកន្លែងនេះដែលជារសជាតិដើមពីខេត្តកំពតផ្ទាល់តែម្តង។

នៅទីនេះទាំងអនាម័យ និងតម្លៃគឺពិតជាពិសេស។​ បាញ់ត្រាំងអាំងនៅកន្លែងមួយនេះមានគ្រឿងច្រើនហើយថែមទាំងមានរសជាតិដិតខ្លាំងជាមួយនិងទឹកមេយ៉ូនេស ក៏ដូចជាទឹកប៉េងប៉ោះផងដែរ។​ បាញ់ត្រាំងអាំងនៅទីនេះលក់ដាច់ខ្លាំងជាង 200​ ប្រអប់ឯណោះដោយសារមានរសជាតិឆ្ងាញ់តម្លៃវិញត្រឹមតែ 4000រៀល ទៅ 5000 រៀលប៉ុណ្ណោះ មួយប្រអប់បិះឆ្អែត។  

នំប៉័ងអាំងនៅទីនេះក៏មានរសជាតិឆ្ងាញ់ ហើយក៏មានការគាំទ្រយ៉ាងច្រើនផងដែរ​លក់ដាច់ខ្លាំងរហូតទៅជាង​ 300 ដើមឯណោះក្នុងមួយថ្ងៃ សំខាន់អ្នកលក់អត់ថាំគ្រឿងសោះ សាច់ច្រើនៗ​ ទឹកស៊សក៏ច្រើន រសជាតិគឺស្រួយស្រឹបតែម្តង។​ កន្លែងគាត់ក៏មានសេវាដឹកជញ្ជូនផងដែរនៅក្នុង foodpanda, Nham24, Wownow និង Muve ដែលមានឈ្មោះថា “នំប៉័ងអាំង​ បាញ់ត្រាំងអាំង” (រសជាតិដើមខេត្តកំពត)។

• ទីតាំងៈ ផ្លូវ 2009 ក្រោយសាលាប៊ែលធីសាខាផ្សាដីហុយ
• ផែនទី៖ https://goo.gl/maps/fqubMQibdRZvbiyUA