ថ្មីត្បិតតែអាកាសធាតុក្ដៅ ហើយសើមស្អុះស្អាប់នៅកម្ពុជា តែរឿងទៅញ៉ាំស៊ុបក្ដៅៗជុំគ្នាជាមួយមនុស្សជាទីស្រឡាញ់ និងក្រុមគ្រួសារ ពេលជជែកគ្នាបណ្ដើរ ចាប់សាច់ និងបន្លែដាក់ក្នុងស៊ុបជុំគ្នាបណ្ដើរ គឺមិនអាចនិយាយទេបានតែម្ដង។

ភោជនីយដ្ឋានដែលមានបម្រើស៊ុបបែប Hot Pot មានរាប់មិនអស់ក្នុងរាធានីភ្នំពេញ ហើយក៏អាចនឹងរង់ចាំយូរដើម្បីបានកន្លែងអង្គុយដែរ។ តែសម្រាប់នៅ Emperors of China មិនឲ្យប្រិយមិត្តរង់ចាំយូរឡើយ និងជាភោជនីយដ្ឋានបែបចិនដ៏ប្រណីតមួយដែលមានបម្រើលអាហារចិនជាច្រើនប្រភេទរូមមានទាខ្វៃ ឌីមសាំ អាហារគ្រឿងសមុទ្រ និងជាច្រើនមុខទៀត។

Emperors of China ជាកន្លែងដែលល្អបំផុតសម្រាប់ការទទួលទានស៊ុបជួបជុំគ្រួសារចងសម្ព័ន្ដញាតិភាពជាមួយនឹងការផ្ដល់ជួនញ៉ាំឈុតស៊ុបមួយឆ្អែតតម្លៃត្រឹម $18.90 ក្នុងម្នាក់ (សម្រាប់ឈុតធម្មតា) និង $22.90 ក្នុងម្នាក់ (សម្រាប់ឈុតធំ)។

ទោះបីអ្នកហៅឈុតធម្មតា ឬឈុតធំ ទឹកស៊ុបនៅតែមាន 3 រសជាតិសម្រាប់ឲ្យអ្នកជ្រើសរើស មានដូចជា ស៊ីឆ័ន ឆ្អឹងជម្នី និងសាច់មាន់។ មិនតែប៉ុណ្ណោះ ប្រិយមិត្តក៏អាចហៅបានដល់ទៅ 2 រសជាតិក្នុងមួយឆ្នាំង ដែលនឹងមកជាមួយបន្លែ និងសាច់ស្រស់ៗជាច្រើនប្រភេទ រួមមានប្រហិត និងពពុះសណ្ដែងផងដែរ។ គ្រាន់តែបន្ថែមលុយបន្ដិចដើម្បីយកឈុតធំ អ្នកនឹងទទួលបានជម្រើសសាច់លើសហ្នឹងទ្វេរដង មានទាំងសាច់ពពែ គាវសាច់បង្គា និងជាច្រើនទៀត។ តែបើញ៉ាំអស់ ចង់ថែមមួយណា ហៅមួយនោះបានទៀតណា។

មិនទាន់អស់ទេ!!! ក្រៅពីស៊ុបញ៉ាំមួយឆ្អែតហើយ ក៏មានអាហារញ៉ាំមូយសេរីទៀតផងដែរ។ គ្រាន់តែដើរចូលក្នុងហាង អ្នកនឹងឃើញតុរៀបចំអាហាររួមមានបាយឆា មីឆា និងនំប៉ាវនានា រៀបតម្រៀបគ្នាយ៉ាងស្រស់ស្អាតរង់ចាំអ្នកដើរទៅដួស ឬចាប់មួយស្រឡាញ់។

រឿងតមអាហារអី ទុកមួយឡែកសិនទៅ មកញ៉ាំប៊ូហ្វេស៊ុបជាមួយមិត្តភក្ដិ ឬក្រុមគ្រួសារនៅ Emperors of China ម្ដងម្កាលសោះ។

បញ្ជាក់៖​ ឈុតប៊ូហ្វេនេះសម្រាប់ការកុម៉្មង់ពីអតិថិជនចាប់ពី 2 នាក់ឡើងទៅប៉ុណ្ណោះ

តម្លៃ៖ $18.90 (ប៊ូហ្វេឈុតធម្មតា) និង $22.90 (ឈុតធំ )

ទីតាំង៖ ផ្ទះលេខ19​ ​ផ្លូវ 168 សង្កាត់វាលវង់ ខណ្ឌ7មករា រាជធានីភ្នំពេញ | Googlemap