ថ្ងៃចុងសប្ដាហ៍ចង់ទៅរកកន្លែងណាដែលមានទេសភាពធម្មជាតិស្រស់បំព្រង កន្លែងថតរូបស្អាតៗបែបរ៉ូមែនទិច ស្ងប់ស្ងាត់ អង្គុយផឹកកាហ្វេ និងភ្លក់រសជាតិអាហារឆ្ងាញ់ៗ ជាមួយបរិយាកាសខ្យល់បរិសុទ្ធ ប៉ុន្ដែខ្ចិលធ្វើដំណើរឆ្ងាយហើយចំណាយថវិការច្រើនមែនទេ? មិនបាច់ទៅណាឆ្ងាយទេ ចំណាយពេលតែជាង១០គីឡូម៉ែត្រពីភ្នំពេញមកតាខ្មៅ លោកអ្នកមានជម្រើសជាច្រើនជាមួយនិងហាងកាហ្វេខាងក្រោមនេះ

​1. Vespa Cafe 1953

ជាហាងកាហ្វេបែបផ្ទះលំហែរ មានអាងហែលទឹក មានកន្លែងអង្គុយប្លែកៗជាច្រើន មានដើមឈើរធំៗ អាចអង្គុយមើលទេសភាពតាមដងស្ទឹង ជាពិសេសហាងគេបើកពីម៉ោង ៧ព្រឹក ដល់ ១០យប់ ចង់ផឹកកាហ្វេក៏បាន ផឹក beer cocktail wine អីក៏បានដែរ។ និយាយរួមមកទីនេះគឺមានអារម្មណ៍ថាខ្លួនឯងបានទៅលេងកំពតអញ្ចឹង មានមួយចប់ទាំងម្ហូប ស្រា កាហ្វេ ទេសភាព រីឯកន្លែងថតរូបមិនខ្វះប្លង់ស្អាតៗថតទេ សាកសមបំផុតសម្រាប់នាំដៃគូរស្នេហា មកលំហែរអារម្មណ៍បែបស្ងប់ស្ងាត់ និងបន្ធូរអារម្មណ៍តានតឹង។

ព័ត៌មាន៖ Vespa Café 1953 

ទីតាំង៖ Vespa Café 1953 

2. La Table Cafe

La Table Cafe ជាហាងកាហ្វេក្នុងភូមិមួយស្ថិតនៅតាមបណ្ដោយដងស្ទឹងដូចគ្នា ក្នុងភូមិព្រែកកាត់ ស្រុកតាខ្មៅ នៅទីនេះមិនត្រឹមជាហាងកាហ្វេបែបជនបទមួយដ៏ទាក់ទាញប៉ុណ្ណោះទេ តែក៏ជាផ្ទះសម្រាកលំហែរបែបបុរាណ ដែលហ៊ុមព័ទ្ធទៅដោយសួនផ្កាចម្រុះពណ៍ និងរុក្ខជាតិតូចធំជាច្រើនដែលជាម្លប់ផ្ដល់នូវខ្យល់អាកាសបរិសុទ្ធ។ ទីនេះមានលក់កាហ្វេ ស្រាប៊ៀ ជាមួយនឹងម្ហូបអាហារប្លែកៗលាយជាមួយផ្កាអាចញាំបានដាំដោយម្ចាស់ហាងផ្ទាល់ មានផាសុខភាពអមនិងចានទម្រកែវចម្រុះពណ៍ច្នៃចេញពីកាកសំណល់ផ្លាស្ទិកទៀតផង។ ហើយបើលោកអ្នកចង់ថតរឿង ថតរូបស្អាតៗ មកទីនេះពិតជាមិនខកបំណងឡើយជាមួយទេសភាពធម្មជាតិពិតៗ។

ព័ត៌មាន៖ La Table Café

ទីតាំង៖ La Table Cafe

3. Bloom Alley cafe + eatery

ហាងកាហ្វេថ្មី បែបផ្ទះឈើ នៅក្នុងចំការធម្មជាតិ សម្រាប់់អ្នកដែលស្វែងរកទីកន្លែងស្ងប់ស្ងាត់ ផ្សារភ្ជាប់ខ្លួនឯងជាមួយនិងធម្មជាតិ បន្ធូរអារម្មណ៍តានតឹង នៅក្នុងទេសភាពបែបកូនភូមិមួយដែលមានផ្ទះឈើម៉ូតស្អាតៗជាច្រើនដូចជាម៉ូតជប៉ុនបន្តិច កូរ៉េបន្តិចមើលទៅប្លែកភ្នែកជាខ្លាំង។ មិនតែប៉ុណ្ណោះហាងនេះក៏មានលក់នូវកាហ្វេ ភេសជ្ជះ នំឆ្ងាញ់ៗជាច្រើនមុខផងដែរសម្រាប់លោកអ្នកជ្រើសរើស។

ព័ត៌មាន៖ Bloom Alley cafe + eatery 

ទីតាំង៖ Bloom Alley cafe + eatery

4. Tropic Park

កន្លែងនេះជាទីពេញនិយមសម្រាប់បងៗដែលចូលចិត្តថតរូប មានទីតាំងស្ថិតនៅលើផ្លូវ 50m ក្បែរផ្សារ Aeon 3 នៅទីនេះមានសួនផ្សែង ទឺកជ្រោះសិប្បនិម្មិត ទេសភាពបៃតងត្រជាក់ភ្នែក គ្រប់ជ្រុងជ្រោយហាក់បីដូចជាបានដើរលេងនៅសួនត្រូពិកប្រទេសក្រៅអញ្ចឹង។ ក្រៅពីកន្លែងថតរូបជាច្រើន លោកអ្នកអាចញាំកាហ្វេ និងញាំបាយនៅទីនេះបាន ដោយកន្លែងញាំបាយមានទាំងលក្ខណៈ​ Outdoor ខ្យល់ធម្មជាតិ និង Indoor​ បែបផាសុខភាពលក្ខណៈឯកជនផងដែរ។

ព័ត៌មាន៖ Tropic Park Cafe and Restaurant 

ទីតាំង៖ Tropic Park Cafe and Restaurant 

5. Peajanak Restaurant

ចុងសប្ដាហ៍ចង់ញាំម្ហូបអាហារបែបខ្មែរ ជួបជុំគ្រួសារជាមួយនិងបរិយាកាសផ្ទះបុរាណខ្មែរ បែបធម្មជាតិពិតៗ និងមានកញ្ចុះធំទូលាយដាច់ៗពីគ្នាលក្ខណៈឯកជន សម្រាប់អង្គុយលំហែរអារម្មណ៍បំបាត់ស្ត្រេស ថែមទាំងមានកន្លែងចតឡានធំទូលាយ សេវាកម្មល្អ លោកអ្នកអាចមកភោជនីយ៍ដ្ធានភាជន៍បាន ស្ថិតនៅសង្កាត់ព្រែកឫស្សី ក្រុងតាខ្មៅ បើកពីម៉ោង 6:30 ព្រឹក ដល់ម៉ោង 7:30 ល្ងាច។

ព័ត៌មាន៖ Peajanak Restaurant

ទីតាំង៖ Peajanak Restaurant 

6. ផ្ទះនារី

ឈ្មោះផ្ទះនារីពិតមែនតែបុរសក៏ទៅបានដែរណា! សម្រាប់បងប្អូនដែលចូលចិត្តផ្ទះបុរាណខ្មែរ នៅក្នុងដីដែលមានរុក្ខជាតិបៃតងខៀវស្រងាត់ មានដេគ័របែបលក្ខណៈផ្សងព្រេងនៅក្នុងព្រៃ មានតង់ មានអង្រឹង មានកញ្ចុះ និង បន្ទប់ ឫ ផ្ទះបែប Private មានម៉ាសុីនត្រជាក់ ប្រកបដោយផាសុខភាព អាចអង្គុយញាំកាហ្វេ អាហារសម្រន់ បង្អែម និងមុខម្ហូបជាច្រើនទៀតដែលមាននៅទីនេះ។ ទំនេរពីការងារឫការសិក្សាចង់ប្ដូរបរិយាកាសស្រស់ថ្លា អាចនាំមិត្តភក្កិ គ្រួសារ និងដៃគូរបស់អ្នកមកទីនេះបាន មិនតែប៉ុណ្ណោះកន្លែងថតរូបនៅទីនេះវិញអេមហួស!

ព័ត៌មាន៖ ផ្ទះនារី

ទីតាំង៖ ផ្ទះនារី