ចង់​បង្កើន​ភាព​រីករាយ​នៅ​ថ្ងៃ​ឈប់​សម្រាកនេះមែនទេ? ម៉ោះ! FoodBuzz មានរូបមន្ត Soju ក្រឡុកទាំង ៥ ដែលអាចធ្វើឲ្យថ្ងៃណូអែលរបស់អ្នកកាន់តែសប្បាយរីករាយ។

1. ស្រាក្រឡុក Soju Ice Cream

ស្រាក្រឡុកផ្អែមឆ្ងាញ់ និងស្រស់ស្រាយ The Melona Soju Cocktail ជាភេសជ្ជៈដ៏ពេញនិយមរបស់កូរ៉េដែលប្រើការ៉េមរសជាតិ Melon​ មួយនេះ នឹងបំបាត់ភាពធុញទ្រាន់ និងភាពតានតឹងរបស់អ្នក។

គ្រឿងផ្សំ៖

• Soju​ (រសជាតិដើម)
• ការ៉េមរសជាតិ Melon (Melona)
• Sprite ឬ 7UP ឬ សូដា (តាមចំណូលចិត្ត)

របៀបធ្វើ៖

• ចាក់ទឹកមួយកែវជាមួយទឹកកក 
• ចាក់​​ Soju​ 2 ពែង shot ចូល
• បន្ថែម Sprite ឬ 7UP ឬ សូដាប្រហែល 1/3 ពេញកែវ
• កូរការ៉េមរសជាតិ Melon រហូតដល់វារលាយ ការ៉េមរសជាតិ Melon នឹងធ្វើឱ្យសូជូរបស់អ្នកត្រជាក់ 

រូបមន្តមួយនេះងាយស្រួលធ្វើ ជាពិសេសវាអាចកាត់បន្ថយរសជាតិល្វីងដែលចេញពី Soju បានមួយកម្រិត សម្រាប់អ្នកមិនសូវចេះញ៉ាំ Soju ក៏អាចសាកបានដែរ។

2. ស្រាក្រឡុក Yakult Soju

គ្រឿងផ្សំ៖

• ចាក់​ Soju​ 2 ពែង shot ចូល
• ចាក់ Yakult​ 2 ពែង shot ចូល 
• ដុំទឹកកក
• 7UP

របៀបធ្វើ៖

• ចាប់ផ្តើមដោយចាក់ Soju ចំនួន 2 shot ចូលក្នុងកែវ។
• បន្ថែម Yakult​ 2 ពែង shot ចូលកែវទៀត
• កូរឲ្យបានល្អ ដើម្បីឲ្យ Soju និង Yakult រលាយចូលគ្នា
• ដាក់ដុំទឹកកក ២ដុំ ទៅ ៣ដុំ ចូលក្នុងកែវ
• ចាក់ 7UP ចូលដើម្បីបន្ថែមភាពស្រស់ស្រាយ។

មួយមុខនេះធ្វើឲ្យត្រជាក់ចិត្ត ហើយរំសាយអស់ទុក្ខកង្វល់ហ្មង! ជួបជុំគ្នាអីត្រូវម៉ាច់ហ្មង!

3. Soju Sparkler

គ្រឿងផ្សំ៖

• សូជូ 
• ក្រូចឆ្មា ១ ផ្លែ
• ទឹកឃ្មុំ 1 ស្លាបព្រា
• ទឹកសូដា
• ស្លឹកជីអង្កាម (សម្រាប់តុបតែង)
• ទឹកកក

របៀបធ្វើ៖

• ចាក់​ Soju​ 2 ពែង shot រួចទឹកក្រូចឆ្មារ 1 ស្លាបព្រា និងទឹកឃ្មុំ 1 ស្លាបព្រា
• កូរចូលគ្នាឲ្យសព្វ
• ដាក់ទឹកកកចូល រួចចាក់ទឹក Soju ដែលលាយហើយចូលកែវ
• លាយវាជាមួយទឹកសូដា បន្ថែមភាពស្រស់ស្រាយដល់ស្រាក្រឡុក
• ដាក់ស្លឹក​ជីអង្កាម​បន្តិច ដើម្បី​ទទួល​បាន​ក្លិន​ឈ្ងុយ និងភាពស្រស់ស្អាត

រួចរាល់អស់ហើយ នៅចាំអីទៀត! ដាក់ម្នាក់មួយកែវហូវ!

4. ស្រាក្រឡុក Soju ឪឡឹក

ថាផ្លែឪឡឹកទៅមានជាតិឆ្ងាញ់ស្រាប់ហើយ ចុះសាកស្រម៉ៃមើល៎ បើបានយកមកធ្វើជាស្រាក្រឡុកទៀត មិនដឹងជាជាតិយ៉ាងណាទេត្រូវអត់? ឪឡឹក និង Soju ដឹងតែអ៊ែមហ្មង!

គ្រឿងផ្សំ៖

• ឪឡឹក
• Soju  (រសជាតិដើម)
• សូដា ឬ sprite

របៀបធ្វើ៖

• កិន​សាច់​ឪឡឹក​ឱ្យ​ល្អិត​ដាច់​ពី​គ្នា រួច​ដាក់​ចូល​​កែវ
• កិនសាច់ផ្លែឪឡឹកឱ្យចេញទឹក
• ចាក់ Soju​ 3 ពែង shot
• ចាក់ Sprite ចូលគ្នា ហើយកូរឲ្យសព្វល្អ
• ចាក់ភេសជ្ជៈនោះចូលក្នុងឪឡឹកវិញ

5. Lemon Soju sparkling 

ភេសជ្ជៈ​មួយ​នេះ​នឹង​ធ្វើឲ្យអ្នកស្វាងម៉ង ជូរៗ ត្រជាក់ៗ ស្រដៀងតែក្រូចឆ្មា! ហាហា យាយលេងទេ​ តែរសជាតិអ៊ែមមែនហា៎ អាចសាកធ្វើញ៉ាំបាន! 

គ្រឿងផ្សំ

• ទឹកស្ករ
• ក្រូចឆ្មា
• sprite
• Soju (រសជាតិដើម)
• ទឹកsparkling 

របៀបធ្វើ

• ធ្វើទឹកស្ករដោយកូរស្ករជាមួយទឹកក្តៅ
• ដាក់ចំណិតក្រូចឆ្មាក្នុងកែវ ដើម្បីការតុបតែង
• ចាក់​ទឹក​​ស្ករ​ចូល​ក្នុង​កែវ​ទឹកកក (​បរិមាណ​តាម​ការចូលចិត្ត​)
• ចាក់ Soju​ 1 ពែង shot
• បន្ថែម Sprite បន្ទាប់មកដាក់ទឹកក្រូច​ឆ្មា

របៀបធ្វើក៏ចេះ គ្រឿងផ្សំក៏ដឹងអស់ហើយ! នៅចាំអីទៀត ណាត់គ្នាមួយមិត្តភក្តិ បងប្អូនឲ្យហើយទៅ ថ្ងៃបុណ្យណូអែល ធ្វើញ៉ាំជុំគ្នាហ្មង!