ប៉ុន្មានថ្ងៃនេះ ព្យុះផង ភ្លៀងផងគ្នាយើងប្រាកដជារងារហើយត្រូវអត់? ត្រូវការអីក្តៅៗ ឈ្ងុយៗ ហឹរតិចៗញ៉ាំហើយ ទើបទប់អារម្មណ៍បាន។ FoodBuzz ដឹងចឹងហើយទើបខំដើររកកន្លែងលក់មីចិនមកឲ្យទាំងអស់គ្នាហ្នឹងហា៎។  កន្លែងមីចិនទាំងអស់នេះដឹងតែញ៉ាំហើយ មិនខកបំណងម៉ង។

#1 សាច់អាំងបែបចិន

កន្លែងនេះនៅម្ដុំចាក់អង្រែលើ ដែលមានការតុបតែងបែបចិនតិចៗ ហើយគ្រាន់តែជាហាងផ្ទះល្វែងធម្មតា។ ហាងមួយនេះបើកលក្ខណៈគ្រួសារ តែក៏មិនតូចដែរ កន្លែងនវឃើញពីក្រៅស្រគត់ស្រគំចឹងទេ តែម្ហូបគេវិញគឺថាមានសឹងតែគ្រប់មុខម៉ងឲ្យតែពាក់ពាន់ជាមួយម្ហូបចិន។ ជាពិសេសគឺ មីស៊ុបនៅហាងគេហ្នឹងម៉ង និយាយពីថារសជាតិមកមិនចាញ់រសជាតិដើមគេទេ សរសៃមីបែបចិន ហើយគ្រឿងគេគឺស្រស់ៗគ្រប់មុខតែម្ដង។

ទីតាំង៖ សាច់អាំងបែបចិន

#2 HAI GE

ហាយ ពី HAI GE ជា​ហាងមីចិនដែលទាក់ទាញចិត្តមនុស្សគ្រប់រូប ជាពិសេសគ្នាយើងវ័យជំទង់ៗគ្នាយើងហ្នឹងម៉ង។​ កន្លែងគេនេះមានសាច់អាំង តែក្រៅពីសាច់អាំងដ៏ឈ្ងុយឆ្ងាញ់នោះ កន្លែងគាត់មានមីស៊ុបចិនដែលញ៉ាំទៅជាប់មាត់ទេម្ដង។ ដាក់មួយម៉ាត់ទៅហោះ ហើយមួយម៉ាត់ទៀតពោរពេញទៅដោយភាពរីករាយម៉ង។ ហឹរក៏ហឹរ ឆ្ងាញ់ក៏ឆ្ងាញ់  និយាយទៅញ៉ាំហើយដឹងតែត្រូវមាត់គ្រប់មុខហើយ។

ទីតាំង៖

• HAI GE Boeung Keng Kang
• HAI GE Olympic District
• HAI GE Toul Tum Pung
• HAI GE Toul Kork

#3 ភោជនីយដ្ឋាន មីចិនសូរិយា

នៅម្ដុំសូរិយាយើងនេះគឺមិនខ្វះកន្លែងញ៉ាំអីទេ ចឹងរឿងមីលចិនក៏មិនបាច់បារម្ភដែរ ជាពិសេសសម្រាប់គ្នាយើងណានៅម្ដុំសូរិយានេះ។ កន្លែងគេជាប្រភេទផ្ទះល្វែងធម្មតាទេ តែមានលក់ម្ហូបប្រភេទចិនសឹងតែគ្រប់មុខ។ រសជាតិគេវិញមិនចាញ់ហាងធំៗទេ ស្អាត ឆ្ងាញ់ ចង់បានហឹរក៏មាន សាបក៏មាន ឯសាច់វិញចង់បានបែបណាប្រាប់បានទៀត ហើយតម្លៃក៏ធូរថ្លៃដែរ។ 

ទីតាំង៖ ភោជនីយដ្ឋាន រសជាតិថ្មី (Sorya)

#4 ចាកាក់ Jakak! BBQ & BAR ( BSL )

ចាកាក់ មានសាច់ មានមី បែបចិនចិនគ្រប់​មុខ​ ចូលទៅការដេក័រហាងកេហ្នឹងគឺថាខ្ជូតៗម៉ង។ មានទាំងបាយ មានទាំងស៊ុប មានទាំងភេសជ្ជៈ ជាពិសេសគឺគ្រឿងបន្ថែមហ្នឹងម៉ង។ រសជាតិ គឺថាមីចិនដឹងតែមីចិនម៉ង មានពីរបែប មីជូរហឹរធម្មតា និង  មីជូរហឹរពិសេស។​ ស្រឡាញ់មួយណាហៅមួយហ្នឹងចុះ ដោយសារតែម្ហូបនៅកន្លែងហ្នឹងគឺឆ្ងាញ់សឹងតែគ្រប់មុខហើយ។

ទីតាំង៖ ចាកាក់ Jakak! BBQ & BAR ( BSL )

#5 គូស៊ាំងយៀន

នៅផ្លូវព្រះមុន្នីវង្សយើងហ្នឹង ជិះពីអគារ ៤២ជាន់ទៅឃើញហើយហាងគេពណ៌ឡើងក្រហមឆេះម៉ង។  បងប្អូនណាចូលចិត្តអាហារចិន ទៅកន្លែងគេហ្នឹងទៅ ម្ចាស់ហាងគេចិនហើយ ឈ្មោះហាងចិនទៀត ម្ហូបគេចេញមកគឺថារបស់ចិនសុទ្ធៗតែម្ដង។​ មានមី មានសាច់អាំង មានសាច់ខ្វៃ រសជាតិចិនៗសុទ្ធម៉ង មិនចេះចិន ញ៉ាំហើយក៏ចេះនិយាយចិនដែរ។ ប៉ុន្តែកន្លែងនេះលក់តែពេលល្ងាចទេ។

ទីតាំង៖ Gu Xiang Yuan Restaurant 

ហាងច្រើនចឹង គួរទៅមួយណាទៅ? បើតាម FoodBuzz ចង់ទៅហាងមួយណាក៏បាន ដោយសារតែហាងទាំង​អស់ហ្នឹងគឺសុទ្ធតែមានំិចិនឆ្ងាញ់ៗទាំងអស់ហ្នឹង ហើយមុខម្ហូបអីមិនសូវខុសគ្នាទៀត។