ធានាថាប្លែកមាត់! របៀបធ្វើពងមាន់ឆាអម្ពិលទុំ ងាយៗ រសជាតិឆ្ងាញ់!
ផ្លាស់ប្តូររសជាតិពងមាន់ស្ងោរធម្មតា ដោយសាកមកធ្វើពងមាន់ឆាអម្ពិលទុំញ៉ាំម្តងមើល! ជាមួយគ្រឿងផ្សំដែលងាយស្រួលរក និងវិធីធ្វើងាយៗ អ្នកទាំងអស់គ្នានឹងទទួលបានម្ហូបឆ្ងាញ់ប្លែកមួយចាន។ តោះ! រៀនធ្វើញ៉ាំទាំងអស់គ្នា។
#គ្រឿងផ្សំ៖
- ពងមាន់៦គ្រាប់
- ប្រេងឆា
- ស្លឹកជីវ៉ាន់សុ៊យ
- ខ្ទឹមក្រហមបំពង
- ក្រហម
#សម្រាប់ទឹកអំពិលទុំ
- ស្ករត្នោត ២០០ក្រាម
- ទឹក ៤ស្លាបព្រាបាយ
- ទឹកត្រី ២ ១/២ ស្លាបព្រាបាយ
- ទឹកអំពិលទុំ (Tamarind concentrate) ២ស្លាបព្រាបាយ
- គល់ស្លឹកគ្រៃ១ដើម (ដំតិចៗរួចកាត់ជាដុំៗ)
- ម្ទេសហុយ ១/២ ស្លាបព្រាកាហ្វេ
#របៀបធ្វើ៖
១. ដាក់ពងមាន់ស្ងោររយៈពេល៥នាទី រួចស្រង់ពងមាន់ទៅត្រាំក្នុងទឹក និងបកសំបកពងមាន់ចេញ
២. បន្ទាប់មកដាក់ខ្ទះរួចដាក់ប្រេងឆាចូលហើយបើកភ្លើងឱ្យក្តៅ។ រួចដាក់ពងមាន់ចូលរយៈពេល៣នាទី រហូតដល់ផ្នែកខាងក្រៅនៃពងមាន់ស្រួយ។
៣. ប្រើប្រេងដដែលសម្រាប់បំពងខ្ទឹមក្រហម។
៤. ចាប់ផ្ដើមធ្វើទឹកជ្រលក់ដោយ ដាក់ទឹកនិងលាយគ្រឿងផ្សំសម្រាប់ធ្វើទឹកជ្រលក់ទាំងអស់ក្នុងខ្ទះរួចកូរវាឲ្យចូលគ្នាល្អនិងឡើងខាប់សឹមបិទភ្លើង។
ជាចុងក្រោយរៀបពងមាន់ ដាក់ក្នុងចាន រួចស្រូបទឹកអំពិលទុំ និង រោយស្លឹកជីវ៉ាន់ស៊ុយ ខ្ទឹមបំពងនិងម្ទេសពីលើជាការស្រេច។ កុំភ្លេចហ៎ា! ញ៉ាំពងមាន់ជូរអែមជាមួយនឹងភេស្ជជៈ Pepsi ត្រជាក់ៗដើម្បីបង្កើនរសជាតិឲ្យកាន់តែឆ្ងាញ់៕