Rainy Café Studio
- 151 Preah Ang Yukanthor Street (19), Phnom Penh
- 096 574 5777
មានទីតាំងនៅម្ដុំក្រោយវត្តឧណ្ណាលោម ហាង Rainy Cafe Studio មានបរិយាកាសល្អ ស្ងប់ស្ងាត់ និងជាកន្លែងដែលអាចរំងាប់អារម្មណ៍អាក្រក់ៗចោលទាំងអស់។
ហាងនេះរចនា និងតុបតែងឡើងដោយម្ចាស់ហាងចិត្តល្អផ្ទាល់ដែលជាស្ថាបត្យករស្រីមួយរូប។ កន្លែងនេះពោរពេញទៅដោយដើមរុក្ខជាតិតូចធំស្រស់ៗ មានទាំងដើមផ្កាស្អាតៗ គួបផ្សំជាមួយគ្រឿងសង្ហារឹមឈើលាយពណ៌សភ្លឺៗ ធ្វើឲ្យមានអារម្មណ៌កក់ក្ដៅ និងស្រឡះក្នុងចិត្ត។
ហាង Rainy Cafe Studio មានលក់ម្ហូបនិងភេសជ្ជៈប្លែកៗជាច្រើនមុខ រិឯក្រុម FoodBuzz របស់ពួកយើងវិញចូលចិត្ត Rainy Frappe ជាងគេ។ វាមានរសជាតិឆ្ងាញ់ ឈ្ងុយខ្ទិះដូងហើយមានរសជាតិកាហ្វេស្រាលស្រទន់ សាកសមសម្រាប់អ្នកមិនសូវចេះញ៉ាំកាហ្វេ។
ក្រៅពីកាហ្វេ ហាងមួយនេះក៏មានភេសជ្ជៈបែបជូរអែមៗជាច្រើនមុខទៀតផងដែរ។ សម្រាប់ពួកយើងចូលចិត្តសូដាម្ជូរព្រឹក និងសូដាទៀបបារាំងជាងគេ ព្រោះវាមានរសជាតិជូរអែមៗ ត្រជាក់ៗ ត្រូវម៉ាច់ជាមួយអាកាសធាតុក្ដៅៗនៅប្រទេសយើងតែម្ដង។
ទន្ទឹមនឹងភេសជ្ជៈប្លែកៗជាច្រើនមុខ Rainy Cafe Studio ក៏មានមឺនុយម្ហូបផងដែរ។ មានទាំងបាយ ទាំងអាហារសម្រន់។ FoodBuzz ចូលចិត្តក្លែមភេសជ្ជៈជាមួយប្រហិតចៀន និងនំប៉័ងខគោជាងគេ។ ខគោមានរសជាតិដិតល្មម សាច់គោទន់ផុយល្អ និយាយរួមគឹមានគ្រប់រសជាតិ ឆ្ងាញ់តែម្ដង!
សរុបមកហាង Rainy Cafe Studio សាកសមបំផុតសម្រាប់អ្នកស្រឡាញ់ធម្មជាតិ ហើយចង់នៅឆ្ងាយពីសម្លេងរំខាននានា។ ឲ្យពិន្ទុ ៤.៥/៥ តែម្ដង។
សម្រាប់ព័ត៌មានលំអិតបន្ថែម ឬប្រម៉ូសិនផ្សេងៗ សូមចូលទៅកាន់ផេកហ្វេសប៊ុក Rainy Café Studio៕
By proceeding, you agree to our Terms of Use and confirm you have read our Privacy Policy.