ស្រួយខ្ញោកតែម្តង! តោះរៀនធ្វើ Mozzarella Cheese Corn Dog នៅផ្ទះ ងាយៗ រសជាតិឆ្ងាញ់កប់សារី
មិនឲ្យល្បីម៉េចបើរសជាតិឆ្ងាញ់កប់ដល់ម្លឹង! សំបកខាងក្រៅស្រួយៗ តែពីក្នុងមានឈីសទន់ល្មើយ។ អ៊ីចឹងហើយថ្ងៃនេះ FoodBuzz នឹងមកបង្ហាញពីរបៀបធ្វើ Mozzarella Cheese Corn Dog ដល់អ្នកទាំងអស់គ្នា៖
#គ្រឿងផ្សំ៖
- សាច់ក្រក
- Mozzarella cheese
- ម្សៅបំពង (ឬ All-purpose flour) ចំនួន ២៤០ក្រាម
- អំបិល១/៤នៃស្លាបព្រាកាហ្វេ
- ស្ករសចំនួន៤៥ក្រាម
- ពងមាន់១គ្រាប់
- ទឹកដោះគោបរិមាណ ២៤០មីលីលីត្រ
- កម្ទេចនំបុ័ង ២០០ក្រាម
- ប្រេងឆា
- ទឹកម្ទេស និង mustard
#របៀបធ្វើ៖
១. ហាន់សាច់ក្រក់ជាពីរ រួចយកចង្កឹះមកចាក់ទម្លោះវា
២. បន្ទាប់មកយកទៅដោតជាមួយ Mozzarella cheese stick
៣. រួចលាយម្សៅបំពង (ឬ All-purpose flour) ជាមួយអំបិល ស្ករស ពងមាន់ និងទឹកដោះគោបន្ទាប់មកកូរឲ្យសព្វរហូតវាចូលគ្នាល្អ បន្ទាប់មកចាក់វាចូលកែវដែលរាងវែង
៤. ចាក់កម្ទេចនំបុ័ងរៀបដាក់ចាន
៥. បន្ទាប់មកយកសាច់ក្រក់ដែលបានដោតជាមួយ Mozzarella Cheese នោះមកជ្រលក់ក្នុងល្បាយម្សៅដែលនៅបានទុកក្នុងកែវវែង ហើយយកវាទៅប្រលាក់ជាមួយកម្ទេចនំបុ័ងឲ្យសព្វ
៦.ជំហានបន្ទាប់ បើកភ្លើងប្រើកម្ដៅពាក់កណ្ដាលរួចចាក់ប្រេងឆាចូលខ្ទះ ដាក់សាច់ក្រកបំពងម្ដង១ ត្រលប់វាចុះឡើង រងចាំប្រមាណ៣នាទីនោះសំបកវានឹងមានពណ៌ត្នោតដិតហើយឆ្អិនល្អ៕
ឃើញអត់មានអីពិបាក! ធ្វើហើយញ៉ាំក្ដៅៗ ឆ្ងាញ់កប់សារីតែម្តង។ លើសពីនេះបើបានញ៉ាំជាមួយ Pepsi ត្រជាក់ៗទៀតកាន់តែមានជាតិទ្វេរដង៕
**ដោនឡូតកម្មវិធីទូរសព្ទរបស់ FoodBuzz ឥឡូវនេះ ដើម្បីទទួលបានព័ត៌មានថ្មីៗ អំពីអាហារឆ្ងាញ់ៗ និងកន្លែងញ៉ាំជាច្រើន ដ៏សម្បូរបែប៖ http://onelink.to/foodbuzz