កែបញ្ហាឈឺកតាមរូបមន្តធម្មជាតិ៖ តែខ្ញីទឹកឃ្មុំក្រូចឆ្មារ
អាកាសធាតុឥឡូវ ប្រែប្រួលលឿនជាងចិត្តមនុស្សទៀត ម្ដងក្ដៅម្ដងភ្លៀងអ្នកដែលមានសុខភាពរឹងមាំក៏អាចនឹងមានអាការៈមិនសូវស្រួលខ្លួនផ្ដាសាយ ហៀរសំបោរ ជាពិសេសនោះគឺអាការៈឈឺកនឹងតែម្តង។ កុំនៅទ្រាំទៀតអី មករៀនធ្វើតែខ្ញីទឹកឃ្មុំក្រូចឆ្មារ ដែល FoodBuzz នឹងមកចែករំលែកដល់អ្នកទាំងអស់គ្នាទុកធ្វើញ៉ាំនៅផ្ទះ គ្រឿងផ្សំបែបធម្មជាតិៗរកទិញបានគ្រប់ទីកន្លែង។
#អត្ថប្រយោជន៍
- ជួយកម្ចាត់មេរោគនិងបាក់តេរីក្នុងបំពងក
- កាត់បន្ថយការឈឺចាប់ក្នុងបំពងក
- កាត់បន្ថយដល់ការចង់ក្អួតចង្អោរ
- សម្រួលដល់អាការៈតឹងច្រមុះ
- កាត់បន្ថយភាពតាន់តឹង
#គ្រឿងផ្សំ
- ទឹកដាំពុះ១កែវ
- ទឹកឃ្មុំសុទ្ធ ២ស្លាបព្រា
- ទឹកក្រូចឆ្មារស្រស់ ២ស្លាបព្រា
- ខ្ញីស្រស់ ១ចំំណិត
#របៀបធ្វើ
១. ច្របាច់ក្រូចឆ្មារឲ្យបាន២ស្លាបព្រា
២.ឈូសខ្ញីឲ្យល្អិតៗ
៣.ចាក់ទឹកក្ដៅពីលើខ្ញីដែលបានឈូសរួច ត្រាំវារយៈពេល ៣នាទី
៤. ដាក់ទឹកឃ្មុំនិងទឹកក្រូចឆ្មារចូលក្នុងកែវ បន្ទាប់មកស្រង់ខ្ញីចេញរួចយកទឹកខ្ញី ចាក់ចូលក្នុងកែវដែលមានទឹកក្រូចឆ្មារនិងទឹកឃ្មុំ រូចកូរឲ្យរលាយចូលគ្នាជាការស្រេច៕
ប្រភព៖ Koti Beth