ប្រើគ្រឿងផ្សំតែ៥មុខ ក្នុងការធ្វើទឹកក្រឡុកផ្លែស្រកានាគ រសជាតិផ្អែមឆ្ងាញ់បែបធម្មជាតិៗ
ទឹកក្រឡុកនេះមិនត្រឹមតែមានពណ៍ផ្កាឈូកចាស់សា្អតហើយ វាក៍ល្អចំពោះសុខភាពយើងផងដែរ។ របៀបធ្វើទឹកក្រឡុកផ្លែស្រកានាគនេះងាយស្រួលធ្វើណាស់ ហើយអ្វីដែលពិសេសនោះគឺត្រូវការគ្រឿងផ្សំតែ៥ មុខតែប៉ុណ្ណោះ។ អ្វីដែលរឹតតែល្អនោះគឺទឹកក្រឡុកនេះគ្មានជាតិស្ករច្រើន គ្មានជាតិទឹកដោះគោនិង gluten នោះទេ។
#គ្រឿងផ្សំ
- ស្រកានាគ ២ផ្លែ
- ចំណិតផ្លែម្នាស់ ១៤០ក្រាម
- ចំណិតផ្លែស្វាយទុំ ៧០ក្រាម
- ចេក ១ផ្លែ
- ទឹកកកដុំតូចៗ
#របៀបធ្វើ
- ចិតសំបកផ្លែម្នាស់ឲ្យស្អាត ជាស្នូលមា្នស់ចេញ កាត់មា្នស់ជាដុំតូចៗល្មម
- ចិតសំបកផ្លែស្វាយ រួចកាត់សាច់ស្វាយជាដុំតូចៗល្មម
- ចិតស្រកានាគទាំង ២ ផ្លែរួចហាន់ជាដុំតូចៗល្មម
- រៀបចំម៉ាស៊ីនក្រឡុករបស់អ្នករួចរាល់ ដាក់ទឹកកក ចំណិតផ្លែស្វាយ ចំណិតម្នាស់ ចំណិតផ្លែស្រកានាគ និងចេកចូលក្នុងម៉ាស៊ីនក្រឡុក។
- ក្រឡុកទាល់តែម៉ដ្តល្អប្រហែលមួយនាទី អ្នកអាចបន្ថែមទឹកបានប្រសិនជាវាខាប់ពេកជាការស្រេច។
ទឹកក្រឡុកចេញមកមានពណ៍ស្អាតតែម្តង ឡើងផ្កាឈូកចាំង! ទឹកក្រឡុកផ្លែស្រកានាគផ្អែមល្មម ចេញពីផ្លែឈើពិតៗ។ ចាំសាកធ្វើញ៉ាំនៅផ្ទះទាំងអស់គ្នាទៅណា៎៕
ប្រភព៖ acouplecooks