តោះ! មកធ្វើសាច់គោឆាបែបកូរ៉េ Bulgogi ងាយៗ លឿនៗជាមួយដារ៉ូល្បីខាងញ៉ាំ Mukbang លើ TikTok!
Bulgogi ជាម្ហូបកូរ៉េមួយមុខដែលជនជាតិកូរ៉េនិយម ហើយក៏មានអ្នកចូលចិត្តញ៉ាំជាច្រើននៅខ្មែរយើងដែរ។ តាមពិតទៅ Bulgogi មានភាពងាយស្រួលក្នុងការធ្វើ ចំណាយពេលក៏តិចដែរហើយឆ្ងាញ់ទៀត! ចឹងតោះថ្ងៃនេះ Mukbang TikToker ដារ៉ូ នឹងចែករំលែកពីរបៀបធ្វើ Bulgogi សម្រាប់ធ្វើញ៉ាំពេលជួបជុំជាមួយមិត្តភក្តិ ឬគ្រួសារ!
#គ្រឿងផ្សំ
១. សាច់គោចំណិតស្ដើងៗ (៤០០ក្រាម)
២. ម្ទេសម៉ត់ (៤០ក្រាម)
៣. ស្ករ (២ស្លាបព្រាបាយ)
៤. ខ្ទឹមសចិញ្រ្ចាំ (៤កំពិស)
៥. ស្រាអង្ករចម្អិនម្ហូប (១ស្លាបព្រាបាយ)
៦. ទឹកសុីអុីវ (៣ស្លាបព្រាបាយ)
៧. ម្រេច
៨. ខ្ទឹមបារាំងហាន់ហើយមួយផ្លែ
៩. ប្រេងឆា
១០. គល់ខ្ទឹម
#របៀបធ្វើ
១. លាយម្ទេសម៉ត់ ស្ករ ខ្ទឹមសចិញ្រ្ចាំ ស្រាចម្អិនអាហារ ទឹកសុីអុីវ ម្រេច ចូលគ្នាឲ្យសព្វ
២. ពេលកូរសព្វ ដាក់ខ្ទឹមបារាំងចូល
៣. ដាក់សាច់គោចូល ហើយប្រលាក់ឲ្យចូលគ្រឿងបានល្អ
៤. ដាក់ខ្ទះឲ្យក្ដៅ ហើយដាក់ប្រេងឆាចូលបន្តិច
៥. ពេលប្រេងក្ដៅហើយ ចាក់សាច់គោចូលហើយឆាវាឲ្យឆ្អិន
៦. បន្ថែមម្ទេស និងគល់ខ្ទឹមដែលហាន់រួចចូល ជាការស្រេច!
តែប៉ុណ្ណឹងក៏រួចជាស្រេច! ហើយបើបាន Pepsi ញ៉ាំបណ្ដើរ ខ្លែមជាមួយ Bulgogi បណ្ដើរ មិនដឹងជាឆ្ងាញ់មាត់យ៉ាងណាទេ ចឹងពេលទិញគ្រឿងផ្សំ កុំភ្លេចទិញ Pepsi មកជាមួយផងណា!