ប្រសិនបើអ្នកកំពុងជិះតាមបណ្តោយផ្លូវ 271 ដែលតែងតែមមារញឹកជាប្រចាំ និងសម្បូរ ទៅដោយសំណង់អគារខ្ពស់ៗនេះ កុំភ្លេចរកមើលហាងកាហ្វេ ប្រោន (BROWN) ដែលទើបនឹងបើកសាខា ប្រោនរ៉ូស្តឺរី ២៧១ ថ្មី ដែលការរចនាមានលក្ខណៈស្រស់ស្អាត និង ផ្តល់នូវអារម្មណ៍ស្ងប់ ​ ខណៈពេលរក្សាបាននូវសេវាកម្មដ៏កក់ក្តៅដល់បេះដូង។

ក្នុងនាមជាអ្នកគាំទ្រផ្ទាល់របស់ប្រោន យើងអាចឃើញថា ប្រោនរ៉ូស្តឺរី ២៧១ នាំមកនូវការរចនាប្រកបដោយភាពសាមញ្ញ តែគួរឲ្យចាប់អារម្មណ៍ ដោយសារតែការរចនា​ និងការតុបតែងទីតាំងថ្មីមួយនេះមានមូលដ្ឋានផ្ដោតលើសួនច្បារ Zen Garden របស់ប្រទេសជប៉ុន ដែលជាកន្លែងដែលបង្កើតតំបូងឡើយសម្រាប់អ្នកធ្វើសមាធិដើម្បីភាពស្ងប់ស្ងាត់ និងការសំរាកលំហែ។

ជាមួយនឹងគំនិតច្នៃប្រឌិត និងចង់ចូលរួមជាផ្នែកមួយនៃសហគមន៍តាមបណ្តោយផ្លូវ២៧១អោយកាន់តែមានភាពល្អប្រសើរ​សម្រាប់​​ការរស់នៅ និងធ្វើការ ប្រោន បានបង្កើតសាខាចុងក្រោយបង្អស់របស់ពួកគេគឺ ប្រោនរ៉ូស្តឺរី ២៧១ ដែលរុំព័ទ្ធជុំវិញដោយទេសភាព និងធម្មជាតិស្រស់បំព្រងដូចជារុក្ខជាតិពណ៌បៃតង ដុំថ្មធំ និងតូច អំពូល LED អេកូឡូស៊ីដែលរុក្ខជាតិទាំងនោះអាចធ្វើរស្មីសំយោគបាន និងពិដានសណ្ឋានស្រដៀងនឹងទឹករលក​ ប្រៀបបានដូចជាពន្លឺព្រះអាទិត្យជះចូលមកក្នុងហាង។​ ការរចនាបែបនេះ បង្កើតបានជា​បរិយាកាស​ដែលស្ងប់ អាចជួយយើងរំសាយនូវភាពតានតឹង  និងជាជំនួយសម្រាប់ការផ្តោតអារម្មណ៍ ហាក់ដូចជាអង្គុយនៅក្នុងសួន Zen Garden របស់ជប៉ុន ដែលអាចជួយបង្កើតនូវប្រសិទ្ធភាពការងារ ក៏ដូចជាគុណភាពជិវិតស្របពេលដែលស្រង់ក្លិន និងរសជាតិ​ដ៏ឈ្ងុយឆ្ញាញ់របស់កាហ្វេរបស់ប្រោន។

យោងទៅតាមបុគ្គលិករបស់ ប្រោន បានមានប្រសាសន៍ថា​ “ទីតាំងថ្មីនេះ គឺល្អបំផុតសម្រាប់ការជួបជុំ ប្រជុំខ្នាតតូច អង្គុយ ជជែកលេងជាមួយមិត្តភក្តិ ការសម្រាកលំហែកាយចិត្ត និងបន្ធូរអារម្មណ៍ ដែលជាកត្តាចាំបាច់សម្រាប់ការជម្រុញឲ្យមានផលិតភាពការងារ និងជិវិតបន្ទាប់ពីបានសម្រាកលំហែ។” ហើយវាក៏ជាគំនិតផ្ដួចផ្ដើមមួយដែលពួកយើងយល់ស្របទាំងស្រុង។

សម្រាប់អាហារ និងភេសជ្ជៈ គឺមិនមានភាពខុសគ្នាជាមួយនឹងសាខារ៉ូស្តឺរីដទៃឡើយ នៅតែមានរសជាតិឆ្ងាញ់ និងថ្មីៗស្រស់ៗ។ អ្វីដែលគួរកត់សម្គាល់នោះគឺ ទីតាំងឆុងកាហ្វេដោយដៃ ដែលអ្នកក្រេបកាហ្វេដោយប្រើវិធីសាស្ត្រ cold ឬ hot drip ដែលត្រូវបានកំណត់យ៉ាងល្អិតល្អន់ជាមួយនឹងបរិមាណ និងពេលវេលាច្បាស់លាស់ដែលនាំមកនូវរសជាតិដ៏ពិតនៃគ្រាប់កាហ្វេ នៅក្នុងពែងនីមួយៗ។

បើសិនជាប្រិយមិត្តស្ថិតនៅម្តុំផ្លូវ 271 ដែលរុំព័ទ្ធទៅដោយអ្វីៗដែល ទំនើបនិងអភិវឌ្ឍ​ ប៉ុន្តែមានអារម្មណ៍ថាធុញថប់ចង់ប្តូរបរិយាកាស និងទទួលបាននូវបទពិសោធន៍ជិវិតថ្មី អាចមក ប្រោនរ៉ូស្តីរី ២៧១ ដែលត្រៀមខ្លួនរួចជាស្រេចក្នុងការផ្តល់នូវអាហារឆ្ងាញ់ៗ ភេសជ្ជៈឈ្ងុយឈ្ងុប និងកន្លែងអង្គុយដែលមានបរិយាកាសស្រស់ស្រាយ និងស្ងប់ស្ងាត់ ដើម្បីជាការសម្រាកពីជីវិតដ៏មមាញឹករបស់ប្រិយមិត្តទាំងអស់គ្នា!

ម៉ោងបើក៖ 6:30 ព្រឹក – 9:30 ល្ងាច 

ទីតាំង៖ ផ្ទះលេខ 240 (ជាន់ផ្ទាល់ដី) ផ្លូវ 271 សង្កាត់បឹងទំពន់​ ខណ្ឌមានជ័យ រាជធានីភ្នំពេញ | Googlemap 

ភ្ជាប់ទំនាក់ទំនងជាមួយ BROWN:

Facebook

Instagram