ចង់ដឹងថាមានអាហារ និង ភេសជ្ជៈរសជាតិតុងយ៉ាំប្លែកៗអ្វីខ្លះអត់?

Dec 11, 2018

សួស្ដីប្រិយមិត្ត FoodBuzz! ធ្លាប់ញ៉ាំសម្លរតុងយ៉ាំ ឬមីកំប៉ុងរសជាតិតុងយ៉ាំទាំងអស់គ្នាហើយមែនទេ ប៉ុន្តែមានដឹងអត់ថាម្សៅ ឬគ្រឿងតុងយ៉ាំអាចកែច្នៃដាក់ក្នុងម្ហូប ឬចំណីអាហារជាច្រើនមុខទៀត។ ដូច្នេះថ្ងៃនេះយើងបានចងក្រងអាហារចំនួន 10 ប្រភេទប្លែកៗដែលមានរសជាតិតុងយ៉ាំសម្រាប់អ្នកទាំងគ្នា។

1) ស៊ុបប៊ូហ្វេរសជាតិតុងយ៉ាំ

ស៊ុបតុងយ៉ាំរសជាតិហឹរ ឈ្ងុយឆ្ងាញ់ រួមជាមួយសាច់និងបន្លែស្រស់ៗជាច្រើនមុខទៀត មួយឆ្នាំងនេះញ៉ាំបាន 2 ទោ 3 នាក់។ ចង់បានអីទៀត?

តម្លៃ៖ ប្រហែល 10 ដុល្លារ

ទីតាំង៖

គ្រប់សាខា Shabu Shabu
Shabu Boo Tueng៖ ផ្លូវ 516 សង្កាត់បឹងកក់ទី 1 ខណ្ឌទួលគោក រាជធានីភ្នំពេញ (ទល់មុខអេស៊ីលីដា) | Googlemap

2) ស៊ុបនិងមីតុងយ៉ាំ

បើយល់ថា ស៊ុបប៊ូហ្វេច្រើនស្កេកស្កះពេក សាកមួយនេះម្ដង។ តំលៃសមរម្យដាក់មួយចានឆ្អែត។ ជាលក្ខណៈស៊ុបកម្ម៉ង់ ឬ ញ៉ាំជាមួយមីក៏បាន។

តម្លៃ៖ ចាប់ពី 7000 រៀលទៅ 30000 រៀល

ទីតាំង៖

គ្រប់សាខាស៊ុបទឹកសៀង (Teuk Sieng)
មីទាញតុងយ៉ាំ (ម្ដុំ IFL)៖ ផ្លូវលេខ 122 សង្កាត់ទឹកល្អក់ទី 1 ខណ្ឌទួលគោក រាជធានីភ្នំពេញ (នៅក្រោយ Gloria Jean’s Café IFL) | Googlemap
ស៊ុបនិងមីតុងយ៉ាំ (ក្រោយមន្ទីរពេទ្យកុមារជាតិ) | Googlemap
យ៉ាំមីម៉ាម៉ា (ទល់មុខ Pizza Company សាខាមុនីវង្ស) | Googlemap

3) មីក្រឡុក ឬ មីញាំ

មីក្រឡុកផ្សំពីមីសួ ឬមីលឿងជាមួយសាច់គោ គ្រឿងសមុទ្រ បន្លែ និងគ្រឿងតុងយ៉ាំ។ រសជាតិស្រដៀងនឹងស៊ុបតុងយ៉ាំ គ្រាន់តែគោកអញ្ចឹងរៀងប្រៃ ហើយរសជាតិមុតជាងបន្ដិចហើយ។

តម្លៃ៖ ចាប់ពី 6000 រៀលឡើងទៅ

ទីតាំង៖

TJ’s House៖ ផ្លូវលេខ 24 BT សង្កាត់បឹងទំពុន ខណ្ឌមានជ័យ ភ្នំពេញ | Googlemap
យ៉ាំមីម៉ាម៉ា (ទល់មុខ Pizza Company សាខាមុនីវង្ស) | Googlemap
មីក្រឡុកបីមុខ (ទល់មុខវិទ្យាល័យព្រះអង្គអេង) | Googlemap
តូបមីក្រឡុក (ម្ដុំសាលាចិននិងផ្សារអូឡាំពិច) | Googlemap

4) សម្លតុងយ៉ាំ

ប្រជាជនអាស៊ីខ្វះបាយអត់បានទេត្រូវអត់? អញ្ចឹងកុំភ័យ ពួកយើងក៏បានរកឃើញហាងមួយចំនួនដែលលក់បាយជាមួយសម្លតុងយ៉ាំឈ្ងុយឆ្ងាញ់ សមឥតខ្ចោះសម្រាប់ពេលល្ងាច និងរដូវភ្លៀងផងដែរ។

សម្លតុងយ៉ាំ @Tum Yumm Kung Thai Restaurant

តម្លៃ៖ ប្រហែល $3-5

ទីតាំង៖

ភោជនីយដ្ឋានតុំយ៉ុងគុង៖ ផ្ទះលេខ 10 ផ្លូវលេខ 278 សង្កាត់បឹងកេងកងទី 1 ខណ្ឌចំការមន រាជធានីភ្នំពេញ | Googlemap
ភោជនីយដ្ឋាន Le Garden៖ ផ្ទះលេខ 15 ផ្លូវ 528 សង្កាត់បឹងកេងកង 1 ខណ្ឌទួលគោក ភ្នំពេញ (ទល់មុខមន្ទីរពេទ្យខេមា) | Googlemap

5) បាយឆាតុងយ៉ាំ

អត់ចូលចិត្តម្ហូបទឹកត្រូវអត់? ចឹងសាកបាយឆាតុងយ៉ាំម្ដងមើល៍ រសជាតិប្លែកប៉ុនណាទៅ។

តម្លៃ៖ ប្រហែល $3.5

ទីតាំង៖

ICoffee Take Away៖ ផ្លូវ 217 នៅក្នុងស្ថានីយតេលាស្ទឹងមានជ័យ | Googlemap
ភូមិបុត្តាយា៖ ផ្ទះលេខ 7 ផ្លូវ 1996 ក្បែរផ្លូវហាណូយ ផ្សារដីហុយ | Googlemap
Postal Coffee & Eatery៖ ផ្លូវ 371 បឹងទំពន់ ខ័ណ្ឌមានជ័យ ភ្នំពេញ | Googlemap
ចំប៉ី ស សាច់អាំងទឹកកាពិម្ចាស់ដើមក្រុងភ្នំពេញ៖ ផ្លូវទន្លេសាប ម្ដុំសណ្ឋាគារសុខា | Googlemap

6) Spaghetti តុងយ៉ាំ

សូមណែនាំ " Spaghetti តុងយ៉ាំ" ម្ហូបកូនកាត់លោកខាងលិចនិងអាស៊ី! មិនសូវមានអ្នកស្គាល់ទេ តែបើបានសាក ដឹងតែចាប់ចិត្តហ្មង។

Spaghetti តុងយ៉ាំ @Brown Coffee and Bakery

តម្លៃ៖ ប្រហែល $4

ទីតាំង៖

គ្រប់សាខាទាំងអស់របស់ Brown Coffee & Bakery
គ្រប់សាខាទាំងអស់របស់ E & M Coffee

7) ស្លាបមាន់ក្រឡុករសជាតិតុងយ៉ាំ

ទៅមើលអាហារសម្រន់ម្ដង…អ្នកណាដែលមិនស្គាល់ហើយមិនចូលចិត្ត "ស្លាបមាន់ក្រឡុក 7 រសជាតិ"។ ជាពិសេសរសជាតិតុងយ៉ាំដែលទទួលបានការគាំទ្រយ៉ាងច្រើនកុះករ។

តម្លៃ៖ 2500 រៀលសម្រាប់ស្លាបមាន់ 10

ទីតាំង៖ រាល់តូបដែលលក់ "ស្លាបមាន់ក្រឡុក 7 រសជាតិ" (ម្ដុំសាលារៀនចិនទូនហ្វា) | Googlemap

8) ដំឡូងបំពងរសជាតិតុងយ៉ាំ

ដំឡូងបារាំង? ឆ្ងាញ់!

គ្រឿងតុងយ៉ាំហឹរៗ? ជក់មាត់!

ចុះបើដំឡូងបំពងរសជាតិតុងយ៉ាំ? អ៊ែមកប់!!!

ទីតាំង៖

SayChiizu Cambodia ($2.6) ក្នុង Eden Garden បឹងកក់ | Googlemap

Krolok (ចាប់ពី 3000 រៀល) តីរវិថីព្រះស៊ីសុវតិ្ថ ទល់មុខនិងធនាគារ ANZ Royal | Googlemap

9) ពោតលីងរសជាតិតុងយ៉ាំ

ពោតលីងរសជាតិតុងយ៉ាំពីរោងភាពយន្ត Legend ទើបមកដល់ដើមខែវិច្ឆិកានេះឯង។ អញ្ចឹងកុំភ្លេចទៅភ្លក្សមើលថាមានរសជាតិប្លែកយ៉ាងម៉េចទៅវិញ?!

តម្លៃ៖ ខ្នាតតូច 2$ & ខ្នាតធំ 3.5$

ទីតាំង៖ គ្រប់សាខារោងភាពយន្ត Legend ទាំងអស់

10) ភេសជ្ជៈរសជាតិតុងយ៉ាំ

ចុងក្រោយ "តែតុងយ៉ាំទឹកកក" ។ ខាង FoodBuzz ក៏ទើបតែសរសេរ review (អត្ថបទ Review) ហើយថ្មីៗនេះពីភេសជ្ជៈតែតុងយ៉ាំទឹកកកនេះនៅឯហាងកាហ្វេ Takefive វាមានរសជាតិផ្អែម ជូរ ហឹរនិងរសជាតិប្លែកជាច្រើនទៀតនៅក្នុងកែវតែមួយ!