ម្ហូបខ្មែរមួយចំនួនមានលក្ខណៈប្លែកៗពីគ្នាទៅតាមខេត្ត និងតំបន់។ ជាក់ស្តែងទឹកគ្រឿងមានរបៀបចម្អិន និងរសជាតិខុសពីគ្នាប៉ុន្មានបែប ដែលផ្អែកទៅតាមទម្លាប់នៃការចម្អិននៃប្រជាជនតាមខេត្តផងដែរ។ ក្នុងអត្ថបទនេះ មិត្តអ្នកអាននឹងបានស្វែងយល់អំពីវិធីចម្អិនម្ហូបពិសេសមួយនេះ ជាមួយនឹងរូបមន្ត និងគ្រឿងផ្សំតាមបែបអ្នកខេត្តសៀមរាប ដែលមានលក្ខណៈខាប់ៗ ជាមួយសាច់ផងត្រីផង ដាក់ផ្ទាប់ជាមួយនឹងអន្លក់ស្រស់ៗខ្ចីៗ រសជាតិកប់តែម្តង!!!

>>>គ្រឿងផ្សំ

- ត្រី

- សាច់ជ្រូក ៣ជាន់

- ប្រហុក 

- ម្ជូរក្រូចឆ្មារ 

- ស្លឹកខ្ទឹម 

- ខ្ទឹមស ខ្ទឹមក្រហម 

- ម្ទេសប្លោកតូច

>>>អន្លក់/បន្លែ (អាចដាក់តាមចំណូលចិត្ត និងលទ្ធភាពរកបាន)

- ត្រសក់

- ស្ពៃក្រញ៉ាញ់

- ត្រប់

- ត្រួយស្តៅ (យកល្អស្រុះសិន)

- ផ្កាស្នោ

- ស្នៀតពោត

- ពពាយ

- សណ្តែកកួ

- ត្រួយរាំង

- ព្រលិត

- ត្រួយស្មាច់

>>>វិធីធ្វើ

- ស្ងោរត្រី និងសាច់ជ្រូកឲ្យឆ្អិនល្អ រួចយកត្រីមកបុក និងហាន់សាច់ជ្រូកជាចំណិតតូចៗ  

- ដាក់ដាំទឹកស្ងោរសាច់ និងត្រីដែលនៅសល់ ជាមួយប្រហុកឲ្យពុះ រួចទុកឲ្យវារង សឹមចាក់ចូលជាមួយត្រី​ និងសាច់

- ដាក់អំបិល ស្ករ ប៊ីចេង ខ្ទឹមស (ចិញ្រ្ចាំ) ខ្ទឹមក្រហម (ហាន់ជាចំណិតស្តើងៗ) និងម្ជូរក្រូចឆ្មារចូល ហើយកូរចូលគ្នាឲ្យសព្វ

- ហាន់ស្លឹកខ្ទឹមឲ្យល្អិត និងម្ទេសប្លោកជាសរសៃល្អិតៗដូចគ្នា ហើយដាក់ចូលដែរ

- ភ្លក្សមើលរសជាតិជូរតិចៗទើបឆ្ងាញ់។