Pezzo Pizza បើកដំណើរការសាខាថ្មីជាផ្លូវការនាថ្ងៃទី 12 ខែតុលា ឆ្នាំ 2019 និងកំពុងតែបង្ហើរក្លិនឈ្ងុយភីហ្សារបស់ខ្លួននៅផ្សារទំនើបអូឡាំព្យាជាន់ទី 5។ គ្រាន់តែបើកថ្ងៃដំបូង Pezzo Pizza បានឆក់យកចិត្តអ្នកដើរផ្សារនៅទីនេះមិនតិចនោះឡើយ!

ជាមួយនឹងការបើកសម្ពោធនេះ Pezzo Pizza ក៏មានប្រូម៉ូសិនយ៉ាងពិសេសដែលមិនគួរមើលរំលងនោះគឺប្រូម៉ួសិនពិសេសទិញ 2 ថែម 1 សម្រាប់រាល់ការជាវភីហ្សាគ្រប់ប្រភេទនៅ Pezzo Pizza សាខាអូឡាំព្យាចាប់ពីថ្ងៃទី 12 ដល់ 20 ខែតុលានេះតទៅ។ បើឃ្លានភីហ្សាកុំចាំយូរប្រយ័ត្នអស់ប្រូម៉ូសិនណា៎!

FoodBuzz ក៏ធ្លាប់បានសរសេរអត្ថបទពីហាង Pezzo Pizza ពីមុនមកដែរ តែសម្រាប់អ្នកដែលមិនធ្លាប់បានស្គាល់ហាងនេះពីមុនសោះ Pezzo Pizza ជាហាងលក់ភីហ្សាជាចំណិតដំបូងបង្អស់នៅប្រទេសកម្ពុជាដែលមានប្រភពដើមចេញពីប្រទេសសិង្ហបុរី និងមានសាខារហូតដល់ជាង 120 សាខាទូទាំងពិភពលោក។ ចំណែកឯលក្ខណៈពិសេសរបស់ Pezzo Pizza គឺការលក់ភីហ្សាជាចំណិតដែលអាចឱ្យអតិថិជនញ៉ាំតិច ឬ មិនចង់ទិញជាភីហ្សាទាំងមូល អាចទិញញ៉ាំបានយ៉ាងស្រួល។ ទិញភីហ្សា 2-3 ចំណិត ញ៉ាំបណ្ដើរ ដើរផ្សារបណ្ដើរ ជាក្ដីសុខតិចៗ! តែបើមានគ្នាច្រើនចង់ញ៉ាំ ក៏អាចទិញភីហ្សាមួយទាំងមូលមកញ៉ាំជុំគ្នា ដែលមាន 6 ចំណិតអាចរើសបានរហូតដល់ 6 រសជាតិក្នុងមួយភីហ្សា។ លែងពិបាកឈ្លោះគ្នារឿងរើសរសជាតិម្ដងបានតែមួយទៀតហើយ!

ហាង Pezzo Pizza ចែកភីហ្សាជា 2 ក្រុមនិងមានរហូតដល់ 11 រសជាតិគឺ

• Carnival៖ មាន Cheesy Cheese, Hola Hawaiian, Hot Chick និង Very Veggie (ភីហ្សាបន្លែ) ប្លែកកម្រឃើញតាមហាងដទៃ
• Gala៖ មាន Seafood Hawaiian, Meat Munchers, BBQ Chicken, Pepperoni, Supremo, Chicken Burger និងរសជាតិថ្មីដែលយើងណែនាំផ្ទាល់ជាពិសេសគឺរសជាតិ Chicken Teriyaki​ដែលបូកផ្សំរសជាតិពីអាស៊ីទៅក្នុងមុខម្ហូបអ៊ីតាលីដ៏ល្បីល្បាញមួយនេះ។

ខាងក្រុមការងារ FoodBuzz បានភ្លក្សដល់ទៅ 6 រសជាតិ ហើយរសជាតិពិតជាប្លែកៗពីគ្នាគួរឲ្យចង់សាកទាំងអស់តែម្ដង។ រាល់ចំណិតនីមួយៗត្រូវបានធ្វើឡើងពីគ្រឿងផ្សំមានគុណភាពខ្ពស់ និងចំអិនយ៉ាងល្អឥតខ្ចោះបង្កើតបានជាភីហ្សាដែលមានឈីសច្រើន ឆ្ងាញ់ ស្វិត មិនទ្រលាន់ស៊ីគ្នាជាមួយទឹកប៉េងបោះ និងរសជាតិពីគ្រឿងផ្សំជាច្រើនទៀតបូកបញ្ចូលគ្នា។ កុំភ្លេចមកលេងផ្សារទំនើបអូឡាំព្យាដើម្បីសាក Pezzo Pizza​និងទទួលបានប្រូម៉ូសិនពិសេសក្នុងឱកាសការបើកសម្ពោធនេះទាំងអស់គ្នាណា៎!

តម្លៃ៖ $ 2.30+

លេខទូរស័ព្ទ៖ 023 222 115

ម៉ោងបើក៖ 9 ព្រឹក - 10 យប់

ទីតាំង៖

• សាខាផ្សារអ៊ីអនសែនសុខ៖ ស្ថិតនៅជាន់ទី 2 នៃផ្សារទំនើបអ៊ីអនសែនសុខ
• សាខាទួលគោក៖ ផ្ទះលេខ 46 Biz, ផ្លូវ 289, សង្កាត់បឹងកក់ទី 2 ខណ្ឌទួលគោក រាជធានីភ្នំពេញ
• សាខាអូឡាំព្យា៖ ស្ថិតនៅជាន់ទី 5 នៃផ្សារទំនើបអូឡាំព្យា

សម្រាប់ព័ត៌មានបន្ថែមសូមចូលទៅកាន់ Facebook