មិនបាច់់រញេរញៃច្រើនទេ ថ្ងៃនេះក្រុម CookBuzz កំពុងឃ្លានហើយខ្សត់ទៀត ភ្លៀងមកមួយមេមកមិនបានទៅផ្សារទិញម្ហូប។ ប៉ុន្តែសំណាងហើយក្រុម CookBuzz ចេះកែច្នៃធ្វើរបស់អីស្រួលហើយមិនត្រូវការគ្រឿងច្រើនទៀត។​ ថ្ងៃនេះ CookBuzz នឹងបង្រៀនពីរបៀបធ្វើ បាយអូមីឡែតបែបជប៉ុនមួយដែលងាយស្រួលបំផុត ឲ្យអ្នកទាំងអស់គ្នា។

• ដំបូងយើងត្រូវការគ្រឿងផ្សំ មានដូចជា៖

1. ទឹកសៀវអុីវបែបចិន
2. ខ្ទឹមបារាំង
3. ស្ករស ​
4. ទឹក​​
5. ស្រាសចំអិនម្ហូប
6. ​ ពងមាន់ ( 3 គ្រាប់ )
7. ស្លឹកខ្ទឹម ( 2 មើម )
8. សណ្តែកបារាំង ( 5 ផ្លែ )

ប្រមូលគ្រឿងគ្រប់អស់ហើយ យើងចាប់ផ្ដើមដំបូងគេទាំងអស់គឺលាយពងមាន់ និងគ្រឿងសម្រាប់ធ្វើអូមីឡែត។

• គ្រឿងផ្សំ៖

1. ទឹកសៀវអុីវបែបចិន​ ( 3 ស្លាបព្រាបាយ )
2. ខ្ទឹមបារាំង
3. ស្ករស​ ( ½ ស្លាបព្រាបាយ )
4. ទឹក​​​ ( 4 ស្លាបព្រាបាយ )
5. ស្រាសចំអិនម្ហូប​ ( 1ស្លាបព្រាបាយ )
6. ស្លឹកខ្ទឹម ( 2 មើម )

ចាក់ចូលចាន ហើយកូរឲ្យបានសព្វល្អ រួចទុកវាដោយឡែកសិន។

• • រួចក្រឡុកពងមាន់ 3​ គ្រាប់ ទុកដោយឡែកមួយទៀត។

• ជំហ៊ានបន្ទាប់យើងរៀបចំហាន៊បន្លែ សម្រាប់ដាក់ចូលក្នុងអូមីឡែត មានដូចជា៖

1. ខ្ទឹមបារាំង (​ ហាន់ជាចំណិតតូចៗ )
2. ស្លឹកខ្ទឹម ( ហាន់ជាចំណិតតូចៗ )
3. សណ្តែកបារាំង ( យក ៥ ផ្លែទៅស្រុះទឹកក្តៅ )

គ្រឿងផ្សំ និងរបស់របរមានអស់ហើយ នៅតែចំអិនទេ។ 

• ចឹងមុនដំបូងយើងត្រូវការ៖

1. ដាក់ខ្ទះឲ្យក្តៅ ( កុំអោយជាប់ពងមាន់​ )
2. ទឹកជ្រលក់អូមីឡែតលាយហើយ​ ( ចាក់ចូលខ្ទះដែលក្តៅ​ រួចទុកឲ្យពុះ)
3. ពងមាន់ក្រឡុកហើយ ( ស្រោចពីលើរាងជារង្វង់​យឺតៗ ទុកឲ្យឆ្អិនប្រហែល ៧០% )
4. ខ្ទឹមបារាំងហាន់ស្តើងៗចូល​ ( ចាក់ចូលលើខ្ទះ​​ )
5. សណ្តែកបារាំងស្រុះទឹកក្តៅ ( ដាក់ពីលើ ទុកអោយឆ្អិនប្រហែល៩០% )

• ឆ្អិនហើយ! ដល់ពេលរៀបចំបាយម្ដង៖

1. ដួសបាយសសមល្មមសម្រាប់យើងញ៉ាំ
2. ចាក់អូមីឡែតដែលឆ្អិនហើយនៅពីលើបាយនោះ
3. យកស្លឹកខ្ទឹមដែលហាន់រួចទៅរោយពីលើបាយនោះ

ថាដា!រួចរាល់អស់ហើយ ឥឡូវឃើញ ស្រួលអត់ CookBuzz ប្រាប់ហើយៗថាមិនពិបាកធ្វើទេ។ គ្រាន់តែកូរចុះកូរឡើងហើយបាត់។​ លឿន រហ័ស ងាយ ហោះយសំខាន់ឆ្ងាញ់ទៀត។