ឃ្លានម្ហូបកូរ៉េ​​ តែមិនចង់ប្រើគ្រឿងច្រើនមុខ? ម្ហូប១មុខនេះ ស្រួលធ្វើ ហើយប្រើគ្រឿងផ្សំតែប៉ុន្មានមុខទេ សំខាន់ប្រើពេលចម្អិនប្រហែលតែ១០នាទីទេ បានញ៉ាំហើយ! 

#គ្រឿងផ្សំ

• ហតដកតូចៗ ២០០ក្រាម (ដាក់ទាំងមូលក៏បាន ឬហាន់ដុំតូចៗល្មមក៏បាន)
• ម្ទេសប្លោក ៧០ក្រាម (ដាក់ចម្រុះពណ៌ រឹតតែប្រសើរ)៖ ហាន់ជាចំណិតសរសៃវែងៗតូចល្មម
• ខ្ទឹមបារាំង ៤០ក្រាម ហាន់ជាចំណិតសរសៃវែងៗតូចល្មម)
• ប្រេងឆា 
• ល្ងលីង (មិនដាក់ក៏បាន)
• ទឹកជ្រលក់ 
• ទឹកប៉េងប៉ោង ២ស្លាបព្រាបាយ
• ទឹកស៊ីអ៊ីវ ១/២ ស្លាបព្រាបាយ
• ស្ករស ១/២ ស្លាបព្រាបាយ

#របៀបធ្វើ

• លាយគ្រឿងទឹកជ្រលក់ចូលគ្នាឲ្យសព្វ ហើយទុកមួយឡែក
• ដាក់ខ្ទះឲ្យក្តៅ រួចសឹមចាក់ប្រេងឆាចូល ហើយឆាហតដក ដោយដាក់ភ្លើងតិចៗ
• ឆាប្រមាណ ៥នាទី ដល់សាច់ឆ្អិន ៥០%
• ដាក់ម្ទេសប្លោក និងខ្ទឹមបារាំងចូល ហើយឆារហូតដល់បន្លែឡើងទ្រោម
• បន្ថយភ្លើងឲ្យនៅតិចៗ ហើយចាក់ទឹកជ្រលក់ចូល រួចឆាគ្រឿងទាំងអស់ចូលគ្នា (ប្រមាណ១នាទី)
• បើចូលចិត្តល្ង អាចរោយពីលើតិចៗក៏បានដែរ។

បើញ៉ាំជាមួយបាយ អមជាមួយនឹងម្ហូបពេញនិយមរបស់កូរ៉េផ្សេងទៀត ដូចជាគីមឈី ជាដើម នឹងរឹតតែឆ្ងាញ់ពិសាថែមទៀត! 

ប្រភព ៖ My Korean Kitchen