ថ្ងៃនេះយើងមករៀនអំពីវិធីចាក់សារ៉ាយ/ចាហួយមួយបែប​ ដែលធ្វើឲ្យចំណេញដូចញ៉ាំរបស់ ៣មុខក្នុងពេលតែមួយតែម្តង! មួយម៉ាត់ៗ គឺ ដូចជាញ៉ាំបង្អែមផង នំផង ផ្លែឈើផងអ៊ីចឹង។ តោះ! សាកធ្វើ ចាហួយផ្លែឈើគ្រប់មុខ ជាមួយវិធីដូចខាងក្រោម៖

#គ្រឿងផ្សំចាហួយផ្លែឈើ

• ទឹក ៣០០មល
• ទឹកផ្លែឈើស្រស់ ១៥០មល (អាចរើសរសជាតិតាមចំណូលចិត្ត)
• ទឹកសេរ៉ូ Maple ឬ ទឹកឃ្មុំ ៦០មល 
• ម្សៅចាក់ចាហួយ 2 ស្លាបព្រាកាហ្វ
• ផ្លែឈើ តាមចំណូលចិត្ត (ជាទូទៅ គេប្រើផ្លែឈើចម្រុះពណ៌ ដូចជាស្វាយ ទំពាំងបាយជូរ ស្ត្រប៊ែរី ស្រកានាគ ឃីវី) ៖ កាត់ជាចំណិតតូចៗល្មមញ៉ាំ

#គ្រឿងផ្សំចាហួយដូង

• ខ្ទិះដូង ១៧០មល
• ទឹក ៦០មល
• ម្សៅចាហួយ ១ស្លាបព្រាកាហ្វេ
• ទឹកសេរ៉ូ Maple ឬ ទឹកឃ្មុំ ៣ស្លាបព្រាកាហ្វេ

#របៀបធ្វើ

• ចាក់ទឹក ទឹកផ្លែឈើ ទឹកសេរ៉ូ/ទឹកឃ្មុំ ម្សៅចាហួយចូលក្នុងឆ្នាំងមួយ ហើយកូរចូលគ្នាឲ្យសព្វ
• ដាក់ដាំឲ្យពុះ រួចចាក់ទៅក្នុងកែវ ឬចាន (គួរប្រើកែវ ឬចានថ្លា បានមើលទៅស្អាត) 
• ដាក់ផ្លែឈើពីលើ ដោយកូរចូលគ្នា ឲ្យមើលទៅចម្រុះគ្នាល្អ
• យកទុកក្នុងទឹកកកឲ្យចាហួយឆាប់កក (ឡើងរឹង) រួចទុកមួយឡែក
• ចាក់គ្រឿងផ្សំចាហួយដូងទាំងអស់ទៅក្នុងឆ្នាំង រួចដាក់ដាំឲ្យពុះ
• ចាក់ទៅលើចាហួយផ្លែឈើ 
• ដាក់ក្លាសេក្នុងទូទឹកកក ៣-៤ម៉ោង ឬមួយយប់ រហូតដល់ឡើងល្មមញ៉ាំ។

ប្រភព ៖ Christie At Home