ស្ថិតនៅប៉ែកខាងកើតរាជធានីភ្នំពេញ  តំបន់អរិយក្សត្រត្រូវបានអ្នកជិះកង់ជាច្រើនជ្រើសយកជាគោលដៅសម្រាប់ការជិះរបស់ពួកគេ ដោយសារតែនៅទីនោះមានខ្យល់អាកាសល្អ ជាតំបន់ក្បែរមាត់ទន្លេ ព្រមទាំងមានផ្លូវលំតូចៗអមដោយដើមឈើសងខាង ពិតជាអំណោយផលសម្រាប់អ្នកជិះកង់ហាត់ប្រាណ។

ជិះគ្នាតិច គ្នាច្រើនមិនសំខាន់ សំខាន់ជិះៗឃ្លាន! អ្នកទាំងអស់គ្នាអាចពិចារណាចូលញ៉ាំអាហារ និងកាហ្វេនៅ ផ្ទះចំការ ដែលជាកន្លែងមួយក្នុងចំណោមកន្លែងជាច្រើនទៀត ដែលគិតគូរដល់អ្នកជិះកង់ជាពិសេស។ គិតគូរដល់អ្នកជិះកង់ជាពិសេសយ៉ាងម៉េច? គឺថាម្ចាស់ហាងបានធ្វើកន្លែងសម្រាប់ដាក់កង់ ព្រោះថាភាគច្រើនទាំងអ្នកជិះកង់ភ្នំ និងកង់គក់មិនដាក់ជន្ទល់កង់ទេ អាចថានេះជាយុទ្ធសាស្រ្តមួយរបស់ម្ចាស់ហាងដើម្បីទាក់ទាញអ្នកជិះកង់ចូលទៅកាន់ទីនោះ។

បំណងល្អពីក្រុមកង់ឆ្អឹងស៊ុបជម្រុញឲ្យបងប្អូ​នជិះកង់ បានទាំងសុខភាព បានទាំងឆ្ងាញ់ បានទាំងការបំបាត់ស្ត្រេស និយាយរួមជិះកង់គឺសប្បាយ។ 

អ្នកទាំងអស់គ្នាអាចជ្រើសយកផ្លូវសម្រាប់ជិះតាមផែនទីខាងក្រោមបាន៖

ជម្រើសទី១៖

• ផែនទី: https://goo.gl/maps/krc3GqqfVSUaVUhv5
• គោលដៅចុងក្រោយ: ដើមស្វាយធំ​ និងចំការស្លឹកគ្រៃ
• ស្ថានភាពផ្លូវ៖ ផ្លូវធម្មតា ផ្លូវភក់ ផ្លូវលំ ឡើងស្ពាន និងកំពុងចម្លង
• ចម្ងាយផ្លូវ៖ ១៧គីឡូម៉ែត្រ
• កន្លែងចេញដំណើរ៖ កំពង់ចម្លង ភ្នំពេញ អរិយក្សត្រ

ជម្រើសទី២៖

• ផែនទី៖ https://goo.gl/maps/271VUn2VokPWiZc58
• គោលដៅចុងក្រោយ៖ ផ្ទះចំការ
• ស្ថានភាពផ្លូវ៖ ផ្លូវធម្មតា ផ្លូវភក់​ ផ្លូវលំ ឡើងស្ពាន កំពុងចម្លង
• ចម្ងាយផ្លូវ៖ ១៤គីឡូម៉ែត្រ
• កន្លែងចេញដំណើរ៖ កំពង់ចម្លង ភ្នំពេញ អរិយក្សត្រ