ខែភ្លៀងចឹង បើបាននៅវាលស្រែសង្ស័យដើរចាប់កង្កែបលាន់ទៀតហើយមើលទៅ។ តែពេលចាប់លបានហ្នឹងមិនដែរហ៊ានយកចូលឆ្នាំងអីទេ និយាយទៅចាប់ឲ្យតែបានចាប់ហ្នឹងម៉ងហា៎!

មេឃត្រជាក់ហើយខែកង្កែបផង​​ បើបានបបរខកង្កែបអីដូចល្អមើលទៅ…​ខ្ជិលគិតច្រើនអីហា៎! បបួលក្រុម CookBuzz ធ្វើបបរខកង្កែបញ៉ាំម៉ង ងាយ​ ស្រួល ហើយឆាប់បានញ៉ាំទៀត។
ម៉ោះឥឡូវមកធ្វើបបរខកង្កែបជាមួយ CookBuzz ទាំងអស់គ្នា!

• គ្រឿងសំខាន់ជាងគេក្នុងបបរខកង្កែបគឺ កង្កែបហ្នឹងឯង ចាប់យក៤ ក្បាលមក​។​ លាងទឹក និងធ្វើវាឲ្យបានស្អាត ហើយកាប់វាជាកងិ ជាកង់។

- ឥឡូវយើងចូលដល់គ្រឿងផ្សំរបស់យើងម្ដង

• • គ្រឿងផ្សំ៖

1. ស្រាសចំអិនម្ហូប​
2. ទឹកសុីអុីវចិន​
3. ស្ករស
4. ម្ទេសស្រស់​
5. ស្លឹកខ្ទឹម
6. ប្រេងខ្យ​ង​
7. ម្សៅពោត​
8. ម្សៅស៊ុប
9. ខ្ទឹមស ​( 4 មើម )    (ដុំអោយបែក)​
10. ខ្ញីហាន់រួច ( 4 ស្លាព្រារបាយ )
11. ម្ទេសក្រៀម ( 10 គ្រាប់ )
12. ស្លឹកខ្ទឹម ( 5 ដើម ) ( ហាន់គល់ផ្សេង ស្លឹកផ្សេងពីគ្នា )

ឥឡូវមានគ្រឿងផ្សំអស់ហើយ នៅឡើយតែចាប់ផ្ដើមធ្វើម្ហូបតា៎!

• ជំហានដំបូងយើងចាប់ផ្ដើមប្រឡាក់កង្កែប៖

• •  គ្រឿងផ្សំ៖

1. កង្កែប ( 4 ក្បាល )
2. ម្រេចម៉ដ្ឋ ( 1 ចិប )
3. ទឹកសៀវអុីវចិន ( ស្លាបព្រារបាយ )
4. ប្រេងឆា ( 1 ស្លាបព្រារបាយ )
5. ម្សៅពោត ( 1 ស្លាបព្រារបាយ )
6. ស្រាសចំអិនម្ហូប ( 3 ស្លាបព្រារបាយ ) ( ដាក់ដើម្បីឲ្យបំបាត់ឃ្លិនឆ្អាបរបស់កង្កែប )

ច្របល់វាចូលគ្នាឲ្យបានសប់គ្រឿងល្អ​  រួចទុកវាដោយឡែករយៈពេលយ៉ាងតិចឲ្យបាន៤០នាទីសិន។

• ប្រឡាក់កង្កែបរួចមួយហើយ ដល់ពេលទឹកជ្រលក់ម្ដង៖

• • គ្រឿងផ្សំ៖

1. ទឹកសៀវអុីវចិន​ ( 3 ស្លាបព្រារបាយ )
2. ប្រេងខ្យង ( 2 ស្លាបព្រារបាយ )
3. ស្ករស ( 2 ស្លាបព្រារបាយ )
4. ម្សៅស៊ុប​(ខ្នរ) ( 1 ស្លាបព្រារបាយ )
5. ម្រេចម៉ដ្ឋ ( 1 ចិប )
6. ទឹកឆ្អិន ​( 200  មីលីលីត្រ )

កូរអោយចូលគ្នាសប់ល្អ​ រួចទុក១ឡែកសិន​

• ទាំងកង្កែប ទាំងទឹកជ្រលក់គឺសុទ្ធតែដាក់គ្រឿង មានជាតិអីអស់ហើយ​ យើងចាប់ផ្ដើមចូលវគ្គចិងក្រោយនៃការខនេះ៖

• • គ្រឿងផ្សំ៖

1. កម្តៅខ្ទះអោយក្តៅ ( ខ្ទះត្រូវក្តៅល្មម )
2. ចាក់ប្រេងឆាចូល ( 2 ស្លាបព្រារបាយ (ដាក់អោយប្រេងក្តៅល្មម )
3. ខ្ទឹមស និង ស្លឹកខ្ទឹមហាន់ (ឆាចូលជាមួយគ្នាអោយរហូតក្លិនឈ្ងុយល្អ )
4. ខ្ញីចិញ្ច្រាំ​ ( 4 ស្លាបព្រារបាយ (ឆាចូលជាមួយគ្នាអោយរហូតក្លិនឈ្ងុយល្អ)
5. កង្កែបប្រឡាក់ ( ចាក់ចូល ) (រួចឆាប្រហែល ៣ នាទី ​)
6. គ្រឿងលាយហើយ ( ទុកឲ្យពុះល្អ​ ហើយរំងាស់ចោលប្រហែល ៥នាទី )
7. ទឹកម្សៅពោត ( ម្សៅពោត ២ ស្លាបព្រារបាយ ជាមួយទឹក ស្រោចពីលើខកន្កែប )

ដួសដាក់ចានសំរាប់ញុំា!​

• ធ្វើហើយអស់ហើយ ដល់វគ្កសម្រួលអារម្មណ៍ញ៉ាំបបរខកង្កែបដ៏ឈ្ងុយឆ្ងាញ់នេះហើយ៖

• • របៀបរៀបចំបបរខកង្កែប៖

1. ខកង្កែប​ ( 1 ចាន ) ( ក្តៅល្មម )​
2. លឹកខ្ទឹម ( ដែលហាន់ហើយ ) ( រោយពីលើ )
3. ម្ទេសហាន់ជាចំណិតៗ

• • របៀបរៀបធ្វើទឹកជ្រលក់៖

1. ទឹកសៀវអុីវបែបចិន ( 4 ស្លាបព្រារបាយ ) ( ចូលចានទឹកជ្រលក់ )​
2. ខ្ទឹមសចិញ្ច្រាំ ( 1 ស្លាបព្រារបាយ )
3. ម្ទេសចិញ្ច្រាំ ( 2 ស្លាបព្រារបាយ )
4. ស្លឹកខ្ទឹម ( 1 ស្លាបព្រារបាយ )

ឆ្អិនក៏ឆ្អិន រៀបចំក៏ស្អាតទៀត! ថតមួយប៉ុសទុកអួតគេមួយសិនទៅ។ ឥឡូវនេះបិទវគ្គមែនទែនហើយ ខំធ្វើឡើងហត់ហៃ៎! រស់ជាតិធានាថាមួយឆ្ងាញ់ មិនបាច់គិតអីច្រើនទេ ដាក់ឲ្យអស់កង្កែបបួនហ្នឹងម៉ងទៅ។