ឆុងញ៉ាំមីរាល់ដងចឹងមានអារម្មណ៍ធុញនិងរសជាតិមីដដែលៗខ្លះនៅ? ការពិតទៅមានរបៀបឆុងមីផ្សេងៗដែលអាចឲ្យរសជាតិមីឆ្ងាញ់ប្លែកពីរសជាតិមីកញ្ចប់ធម្មតា ហើយថ្ងៃនេះ FoodBuzz នឹងចែករំលែករូបមន្តឆុងមីជូនសម្រាប់ធ្វើញ៉ាំអ្នកទាំងអស់គ្នា!

១. Korean Snack bar Ramen

#គ្រឿងផ្សំ

• មីកូរ៉េ​ ១កញ្ចប់
• ពងមាន់១
• ទឹកខ្មះ ​២ ទៅ ៣ដំណក់
• ម្រេច ១/៤ ស្លាបព្រាកាហ្វេ
• ស្ករ ១ស្លាបព្រា
• ស្លឹកគូឆាយ (តាមចំណូលចិត្ត)
• ទឹក ៥៥០មល

#របៀបធ្វើ

១. ចាក់ទឹកចូលឆ្នាំងរួចធ្វើការដាំ

២. ពេលទឹករៀបពុះ ហែកគ្រឿងកញ្ចប់មីចូលរួចរម្ងាស់វា១នាទី

៣. បន្ទាប់មក ចាក់ទឹកខ្មេះចូល រួចបន្តរម្ងាស់រៀងយូរបន្តិចទើបដាក់ស្ករនិងម្រេចចូល បន្ទាប់មកកុំភ្លេចឧស្សាហ៍ចាប់ឡើងសរសៃមីចុះឡើងផងណា

៤.ជំហាន់បន្ទាប់គោះពង់មាន់ចូលតែកុំកូរវាឲ្យបែកណា រួចហើយហាន់ស្លឹកគូឆាយដាក់ពីលើជាការស្រេច។

២. មីទឹកដោះគោ

#គ្រឿងផ្សំ

• មីកញ្ចប់កូរ៉េ​ ១
• ទឹកដោះគោស្រស់​ ៤០០មល

#របៀបធ្វើ

១. ដាំទឹកក្នុងឆ្នាំងឲ្យពុះរួចដាក់មីចូល

២.ស្រុះមីកុំឲ្យឆ្អិនពេក បន្ទាប់មកបិទភ្លើងរួចស្រង់មីដាក់កញ្ច្រែងរួចយកទៅលាងជាមួយទឹកស្អាតដើម្បីឲ្យអស់ជាតិខ្លាញ់

៣. ចាប់ផ្ដើមចាក់ទឹកដោះគោចូលឆ្នាំងដើម្បីធ្វើការដាំ ត្រូវបន្តកូរទឹកដោះគោរហូតដល់វាជិតពុះ បន្ថយភ្លើងរួចហែកគ្រឿងមីកញ្ចប់ចូលហើយកូរវាឲ្យលឿនដើម្បីទឹកដោះគោនិងគ្រឿងមីចូលគ្នាបានសព្វ

៤. ចុងក្រោយ ដាក់មីដែលបានស្រុះរួចចូល រួចបន្តកូររហូតមីឆ្អិនល្អ កុំភ្លេចចាក់ដាក់ចានភ្លាមៗណាបើមិនចឹងទេទឹកដោះគោនឹងកកជាប់ឆ្នាំងជាមិនខាន៕

ប្រភព៖ COOKAT

**ដោនឡូតកម្មវិធីទូរសព្ទរបស់ FoodBuzz ឥឡូវនេះ ដើម្បីទទួលបានព័ត៌មានថ្មីៗ អំពីអាហារឆ្ងាញ់ៗ និងកន្លែងញ៉ាំជាច្រើន ដ៏សម្បូរបែប៖ http://onelink.to/foodbuzz